彤 (已結業)

呢间以前一直只做Omakase，今日去尖沙咀行街收到传单，原来而家仲做埋午餐set，见价钱合理就同朋友去试一试。其实午餐set有成14-15款选择，有好多野都想试啊~~最正系可以将饭转做汤乌冬或者荞麦面，仲要唔洗加钱，不过我太肚饿都系照要饭。我叫咗个滑蛋黒豚肉定食 $138，猪扒炸完唔会好干，滑蛋做得岩岩好唔会过熟，仲有适量汁捞饭，最后我一个人都食晒成碗😋。机而且定食套餐仲有沙律、味噌汤、白饭、茶碗蒸及甜品朋友就叫咗个海鲜丼  $258，有6-7款唔同鱼生，全部都好新鲜，呢个价钱好合理👍🏻店员全程都一直帮我地加茶，服务非常好，环境好静，可以同朋友舒舒服服咁慢慢食。埋单既时候店员同我地讲，原来呢个月做紧Omakase第二位半价，而且午市同晚市都有呢个优惠，之后要再约朋友黎食先。