大安茶冰廳 (已易手) 新餐厅

每区都会有旧式茶餐厅或者冰室，有啲甚至已经开咗半个世纪，喺油麻地就有呢间 大安茶冰厅☕冰厅一路见证住油麻地嘅变迁～佢开喺果栏附近，所以平时都好多喺果栏做嘢嘅人黎食嘢，而架亦都会有打工仔帮衬👍🏻👆🏻大安依然系维持住六、七十年代嘅装修，门面招牌都系用上以前嘅异体字(以前港英政府未将汉字系统化，有啲字体就留传到而架，而每个人写法唔同，又未有正字，所以𠮶阵时出现几多异体字)放住玻璃樽汽水嘅透明冻柜👆🏻大安入面嘅装修亦系无变(铺头曾经有呢度嘅两倍咁大，但后来做唔住所以cut净而架咁样)，靠墙就系冰室/茶餐厅嘅经典窄型卡位👆🏻上图左就系佢地嘅开放式厨房😹由于大安只有小食牌🍜，所以就无茶餐厅𠮶啲炒粉面饭，最复杂嘅都只系贴系墙上嘅🍝烩意粉～👇🏻👇🏻👇🏻餐牌☕基本嘅汤通粉、意粉、米粉、面都有嘅，亦有三文治🥪同简单小食🍞🥣当然唔少得嘢饮啦～晏就得闲又咁啱经过，就入黎叹返杯☕佢呢度嘅奶茶都唔错，奶味同茶味都算出，而且几滑👍🏻虽然未算系最好饮嘅奶茶，但冰室嘅人情味搭够，我亦相信大安嘅奶茶都温暖咗唔少茶客/食客嘅心🥰趁佢未被时代巨轮吞噬之前，真系要好好珍惜啊～