影片
更多
2022-10-30
120 浏览
方叔叔重庆火锅店前身系渝味晓宇火锅店，之前身边有朋友食过话唔错，今次终于喺改咗名又装修咗之后嘅荃湾分店打边炉！装修完冇耐嘅店内环境所有嘢都新簇簇、好干净，木系风有d似日本餐厅格局！一坐低就有雪耳红枣冰糖糖水款待食客！最欣赏食材大部分可以拣选半份，非常了解食客想食多啲唔同食材嘅心理！上菜速度快，由QR code落单到上菜不过系几分钟时间！侍应加汤加水好合时，讲嘢轻声有礼，服务唔错！➺➺鸳鸯麻辣锅$38/位(养生花胶鸡锅另加$20/位）汤底按人头计感觉更划算，鸳鸯麻辣锅包括一个麻辣大红锅加自选一款汤底，拣咗9至11月季节限定养生花胶鸡汤底另加$20/位，想食要趁11月最后机会！麻辣大红锅辣度拣咗普通，原来都几辣，食物好吸麻辣味，虽然辣，但越辣又越追食！大黄鸡锅汤底好足料，有唔少鸡件、花胶、虫草花、杞子，饮落几清甜润喉！➺➺嫩牛肉（半份）$48切得好厚身，一咬落去感觉软腍腍，再咀嚼发觉爽爽地几有口感！➺➺黑豚腩肉(半份）$48长长6大块，肉质比较厚实，唔太硬又唔太软！➺➺手打四宝丸（半份) $58可以试晒四种丸，牛丸、猪肉丸、虾丸、墨鱼丸，口感Q弹爽口，肉质鲜嫩！➺➺手打鱼籽虾滑（半份）$5
➺➺鸳鸯麻辣锅$38/位(养生花胶鸡锅另加$20/位）
汤底按人头计感觉更划算，鸳鸯麻辣锅包括一个麻辣大红锅加自选一款汤底，拣咗9至11月季节限定养生花胶鸡汤底另加$20/位，想食要趁11月最后机会！麻辣大红锅辣度拣咗普通，原来都几辣，食物好吸麻辣味，虽然辣，但越辣又越追食！大黄鸡锅汤底好足料，有唔少鸡件、花胶、虫草花、杞子，饮落几清甜润喉！
➺➺嫩牛肉（半份）$48
切得好厚身，一咬落去感觉软腍腍，再咀嚼发觉爽爽地几有口感！
➺➺黑豚腩肉(半份）$48
长长6大块，肉质比较厚实，唔太硬又唔太软！
➺➺手打四宝丸（半份) $58
可以试晒四种丸，牛丸、猪肉丸、虾丸、墨鱼丸，口感Q弹爽口，肉质鲜嫩！
➺➺手打鱼籽虾滑（半份）$58
手打虾滑当然系比较弹牙同爽滑，加咗鱼籽添加咗咸香！
➺➺鳗鱼(白鳝）（半份）$58
望落去个样已经觉得几新鲜，渌完之后鱼肉完全冇松散，食落仲几爽口！
➺➺纽西兰精品羊肉卷(半份）$58
半份份量都唔少，羊片薄切一口一片，食唔到有膻味，细细片索晒汤汁，好食！
➺➺鲜竹笙（半份）$38/唐生菜（一份）$28/娃娃菜(半份）$18
蔬菜菇菌类望落都好新鲜，食落爽甜！
➺➺武隆苕粉（半份）$28
外貌、口感同薯粉好似，但系比薯粉阔身、厚身d，食落又比薯粉烟韧d，个人几钟意呢个粉！
➺➺红糖冰粉$28
传统川菜甜品，近期都成日食呢款甜品，但系估唔到火锅店嘅红糖冰粉质素一啲都唔差，加咗大量合桃、杏仁、瓜子、提子干、梅干等，提升晒成个甜品嘅口感同味道层次！
➺➺红糖糍粑(半份）$38
唔可以唔食嘅甜品！趁热食食到外皮有少少热气嘅脆感，入面嘅糯米非常之烟韧，加埋红糖浆食，真系口感之物！
➺➺水仙乌龙柠檬茶(冻）$48
份量十足，茶味突出，唔重甜味，非常好！
**设加一服务费
张贴
