影片
更多
2011-03-09
21 浏览
做嘢做到下午茶时段先出到嚟食嘢，唉..行远啲啦唔想喺公司附近唔系真系饭都食唔落呀..行行o下o黎o左湾仔..我记得男朋友话厦门街有间冇味精o既车仔面..真定假呀？等我又试o下先..行到入去，系o的好家庭式o既制作..几个女人围o系开房式厨房o个度煮o野。舖位又细又屈质，不过都好干净..冇话笠痴痴咁佢o地下午茶系三𩠌一面再送一罐o野饮咁样..唔算话好抵不过都唔系贵我叫o左鸡翼(铁脚)，香肠(冇乜𩠌o既选择所以要叫呢个)同埋鱼肉春卷(新尝试)。其实，佢呢度冇咩选择。车仔面唔系胜在多选择o既咩？我觉得如果冇咩选择就理得你几好食、俾几多个𩠌一面我都冇用。得o个o的𩠌，茶记都有啦，我点解唔去茶记㖞？当然，今日个主题系无味精(佢亦都周围大大只字贴住佢o地系无落味精)，唔系太关𩠌呀，选择呀o既事..等o左2个字到(点解咁耐?)，面到了..睇住碗o野，我只系得四个字，就系「冇咩惊喜」...鸡翼就都几入味，但系一o的咬口都冇，入口即散开晒..唉是但啦我都已经冇咩要求..香肠就唔应该会有咩事啦我想讲o既系个鱼肉春卷..我想讲..南记真系好食好多..我下次系唔系唔应该去新舖做新尝试？唔系难食咁简单..肉霉霉
行行o下o黎o左湾仔..我记得男朋友话厦门街有间冇味精o既车仔面..真定假呀？等我又试o下先..
行到入去，系o的好家庭式o既制作..几个女人围o系开房式厨房o个度煮o野。舖位又细又屈质，不过都好干净..冇话笠痴痴咁
佢o地下午茶系三𩠌一面再送一罐o野饮咁样..唔算话好抵不过都唔系贵
我叫o左鸡翼(铁脚)，香肠(冇乜𩠌o既选择所以要叫呢个)同埋鱼肉春卷(新尝试)。
其实，佢呢度冇咩选择。车仔面唔系胜在多选择o既咩？我觉得如果冇咩选择就理得你几好食、俾几多个𩠌一面我都冇用。得o个o的𩠌，茶记都有啦，我点解唔去茶记㖞？
当然，今日个主题系无味精(佢亦都周围大大只字贴住佢o地系无落味精)，唔系太关𩠌呀，选择呀o既事..
等o左2个字到(点解咁耐?)，面到了..
睇住碗o野，我只系得四个字，就系「冇咩惊喜」...鸡翼就都几入味，但系一o的咬口都冇，入口即散开晒..唉是但啦我都已经冇咩要求..
香肠就唔应该会有咩事啦
我想讲o既系个鱼肉春卷..我想讲..南记真系好食好多..我下次系唔系唔应该去新舖做新尝试？
唔系难食咁简单..肉霉霉o地，一咬又系即散..肉味怪怪的..唔系话过期定点..而系有一阵怪味..真系唔知点形容..又好似未煮得透咁..
老细..呢个时间客又唔系多，我碗o野你又hold住o左成2个字先俾我..
1). 你到底搞o左o的咩o黎?
2). 你边度有见过车仔面要搞咁耐?!
我叫o既系米线。头先话佢个鱼肉春卷好似未煮熟咁，但系呢碗o野佢又好似系煮过龙！冇谂过碗米线可以稔到咁o既程度..直头系入口唔驶点咬已经变糊同埋有一个moment我真系惊会夹断晒o的面夹唔到..所以开始揾匙羹逗住(唔系我习惯)
呀~~~~~~~~~~~~~~~~~~~唔食喇!!
打俾男朋友讲返件事，佢就话：「唔系㖞，佢o的猪皮同咖哩鱼蛋好好食o既㖞..」咁我唔好彩啰..
再试一试个汤...都真系无咩味精o既..无我就唔会信o既喇..
总结系..一次就够晒数啰
张贴
