Umami Japanese Restaurant and Bar (已結業)

在数码港工作的熊大兔兔，平日通常带饭，难得有同事系数码港艾美酒店会员，可以半价食到酒店级日菜，熊大兔兔当然把握机会跟埋去~入到餐厅，楼底有三四层楼高，而且装修富时尚感，比市面的和风食店新潮㖞！打开餐牌，一人午市套餐定价二百多至四百不等，果然价钱都好酒店级，好彩有半价咋~款式方面都算ok, 鱼生饭、烧物、乌冬、天妇萝等等共有十几款。熊大叫左个杂锦鱼生饭(原价$240)，而兔兔就食同事推介的银鳕鱼西京烧定食(原价$250)~杂锦鱼生饭，好・丰・富・呀！多款新鲜刺身，每款两件~素闻比数码港另一间质素唔错的日式餐厅奥寿司仲鲜味，一试之下，又真㖞！三文鱼分别唔大，而吞拿鱼就做到入口即溶喇~估唔到的系甜蛋同蟹棒超水准，蛋又嫩又有口感，唔会煎到老或者一层层散开，蟹棒鲜味无穷！另外配有海蜇前菜，沙律，面鼓汤同三色水果，当然样样都好味高质素（菠萝超甜）。兔兔的银鳕鱼餐，有两块，虽然唔算太大块，但成个餐份量就好够喇！银鳕鱼有烧过的香味，但系一d都唔干，滑不溜口，配埋个香甜的蛋黄酱，真系好好味~配菜方面海哲变左三块刺身~值得一提系珍珠米白饭免费添食，加多几碗都仲得，绝对唔会贵夹唔饱！半价食就更加抵喇（加一以