S2 鐵板燒 (已結業)

先分享一段小插曲，一个月前喺openrice订枱，注明为朋友庆祝生日，竟然当日到达食店前廿分钟收到食店职员电话，话因为太好生意，卖净鲍鱼餐，问我介唔介意，如果介意可以取消booking，但我临时临急谂唔到同朋友改去边度食生日饭，唯有照去。所以如果真系想食某个餐，订枱时注明会安全啲。鲍鱼餐原价$680，午市优惠半价$340连原价加一$68，即系每位$408，都抵食。青柠花旗参茶，味道几特别，感觉清新。沙律冇特别，合格。刺身解冻程度刚好，新鲜个人觉得西京酱太咸，银雪鱼咸咗少少。鲍鱼酿入去骨鸡翼再用牛肉卷起，三样食材煮熟嘅时间需时唔同，但有处理得好好，有心思，好味芝心和牛汉堡扒，好味，但食咗一件已经饱。蟹膏炒饭好味过鹅肝炒饭焗什菌好香牛油味，饱都要食。好彩个汤唔系好咸，花胶蚬汤系揾唔到花胶甜品系雪糕泡芙结论，$408一客铁板烧系好抵又好食，一人食一客可以饱到夜晚，可以再去。