影片
更多
2012-03-04
34 浏览
山地人越南法包专门店系一间开业大约三年多o既小店,主要售卖越南法包、咖啡、小食及檬粉呢间食肆获得提名 OpenRice 优秀开饭热店大赏 2012 最优秀开饭东南亚菜餐厅组别o既入围热店位于炮台山 AIA 友邦广场后面o既一条偏僻内街宏安道,由港铁站行过去只系几分钟路程店舖几细间,主要做外卖生意,若果堂食会坐得冇咁舒适,一边设有三个坐位o既长枱,另一边就有张二人枱,若果多客人堂食会o系门外开张折枱俾大家坐虽然系一间小店,不过都有电视同埋杂志俾客人睇越南法包系一种好有特式o既食物,o系香港唔多地方可以食到,除左佐敦有间驰名o既添记越式法包,原来香港呢边都有间山地人越南法包专门店由于山地人食物有水准,即叫即做,除左有外籍人士帮衬外,名人红星亦都慕名而来早前o系网站买左两张 coupon,每张 coupon 可以用$25 买价值$50山地人越南法包专门店o既食品及饮品店内o既法包除左原味外,有较特别o既黑麦芽及竹炭,呢两款口味都系山地人首创至于馅料可以选猪肉,牛肉,鸡肉,肉松,沙甸鱼及香菇正当我地谂紧买乜野食时,女店员向我地建议点样用张 coupon佢话买一个法包连汽水/热饮就已经$43,可
呢间食肆获得提名 OpenRice 优秀开饭热店大赏 2012 最优秀开饭东南亚菜餐厅组别o既入围热店
位于炮台山 AIA 友邦广场后面o既一条偏僻内街宏安道,由港铁站行过去只系几分钟路程
店舖几细间,主要做外卖生意,若果堂食会坐得冇咁舒适,一边设有三个坐位o既长枱,另一边就有张二人枱,若果多客人堂食会o系门外开张折枱俾大家坐
虽然系一间小店,不过都有电视同埋杂志俾客人睇
越南法包系一种好有特式o既食物,o系香港唔多地方可以食到,除左佐敦有间驰名o既添记越式法包,原来香港呢边都有间山地人越南法包专门店由于山地人食物有水准,即叫即做,除左有外籍人士帮衬外,名人红星亦都慕名而来
早前o系网站买左两张 coupon,每张 coupon 可以用$25 买价值$50山地人越南法包专门店o既食品及饮品店内o既法包除左原味外,有较特别o既黑麦芽及竹炭,呢两款口味都系山地人首创
至于馅料可以选猪肉,牛肉,鸡肉,肉松,沙甸鱼及香菇
正当我地谂紧买乜野食时,女店员向我地建议点样用张 coupon
佢话买一个法包连汽水/热饮就已经$43,可以加$5要芝士酱,加$2可以将热饮转为冻饮
由于每次交易只可以用一张 coupon,我地两个人要分开两张单俾钱
黑麦芽鸡肉法包将个法包分成两半,法包配上新鲜鹅肝酱,扎肉,渍腌红萝卜丝,洋葱丝,韭菜,芫茜等配料,清爽又酸甜,又有鱼露味
由于朋友唔食得辣所以叫左走辣
竹炭牛肉法包呢个法包加左竹炭粉,系健康之选
法包热辣辣,店员焗包之前洒左水,令到包身外层焗得香脆,唔似得 Delifrance 食到o既硬身法包
食一个越南法包已经够饱,可以当饭食
我地两个都要冻越南咸柑桔柑桔味非常香浓
入口酸中带甜,味道唔错
店内有得卖渍腌红萝卜丝,辣椒丝及酱料
门口铁架上放置特色越南小食好似腰果,苦瓜干,仲有越南咖啡粉,同埋越式河粉售卖店内仲有其他特式越南食品可供选择,例如黄金肉饼,鹅肝包,黄金鸡全翼,鲜虾扎肉沙律,酸辣凤爪等
佢地早餐及下午茶有优惠套餐
原来物价不断上升,再加上山地人越南法包专门店开始多人识,间中又有做团购优惠,同样份量o既套餐呢一,两年成日加价
2011年初o既套餐只系卖$35,团购网站见到o既餐牌加到$37,但系当日我地光顾已经要$43一份
今次呢个优惠都算抵食,$25 就可以食到特式o既越南法包连饮品
不过以原价价钱就略贵,若果日后再有团购可以试下沙甸鱼法包及越南檬粉
香港唔多地方食到呢o的特式食品,再加上食品新鲜制造,呢间小店值得向大家推荐
原来山地人最近扩充营业,o系湾仔交加里开分店,以后又多一个地方可以食到特式越南法包
食完越南法包后,我地行去铜锣湾食乳酪雪糕
张贴
