日和号壽司料理 (已結業)

夜晚8:30去到MegaBox , 好多地方都9:00就close 又或者8:30就会last order，但呢一间餐厅就9:30先至last order，晚上10:00先闩门入到去职员俾咗半价寿司刺身嘅落单纸俾我哋，我见到款式都比较多嘅，但系小食方面就比较少，只得章鱼小丸子四粒。而令一张餐牌上面嘅所有嘢都系收返正价嘅，我哋就拣咗半价寿司刺身嚟叫，嗌咗大概30件寿司，一款刺身，仲有一款小食。刺身同寿司嘅新鲜程度都非常好，最抵食系$18一只大虾寿司，仲有一款吉列炸蚝寿司真系好特别。两个人食咗总数$440左右埋单，都唔算好贵。