影片
更多
2022-12-02
21 浏览
《日和号寿司料理 - 九龙湾》前几日收工后同屋企人去左Megabox 既IKEA睇家具，本来系想喺入面既餐厅食埋晚餐架，但唔知点解当日咁多人😨买野食条队又劲长，即刻打退堂鼓出番去商场揾其他好野食😂由于屋企人想食寿司，所以我地就上番十楼食日和号😏记得朋友带过我黎食半价寿司，食到劲饱个价钱都仲系好平，所以决定再带屋企人黎试下😆当日两个人丧点左扫点左十几碟寿司同几款刺身，每人点埋饮品同小食后埋单折左都系五百几蚊😱真心抵食😋店舖既装修模仿日本铁路既模样，再播住日本歌，成个feel 出晒黎呢刺身 💁🏻♀️三文鱼腩/剑鱼腩/八爪鱼/油甘鱼刺身我地要左四款，每款四片，我个人私心推介剑鱼腩同油甘鱼刺身👍🏻剑鱼腩出面真系唔系经常有得食，而呢度既刺身质素都几新鲜，切既厚度适中，一啖食晒都唔会腻寿司💁🏻♀️6吋三文鱼寿司 六吋长既三文鱼寿司😍真系好耐无食啦，不过今次个三文鱼部位就比较瘦啲，有两件都几靓仔既😉一啖食晒会成口都三文鱼油味，好满足💁🏻♀️三文鱼腩寿司三文鱼腩一向都系稳阵之选，肉质几肥美，食十件都唔会厌呀💁🏻♀️剑鱼腩寿司又系我最爱既剑鱼腩❤️咬落爽口弹牙，有阵好独特既鱼油味，最爱佢既口感💁🏻♀️火炙
前几日收工后同屋企人去左Megabox 既IKEA睇家具，本来系想喺入面既餐厅食埋晚餐架，但唔知点解当日咁多人😨买野食条队又劲长，即刻打退堂鼓出番去商场揾其他好野食😂由于屋企人想食寿司，所以我地就上番十楼食日和号😏记得朋友带过我黎食半价寿司，食到劲饱个价钱都仲系好平，所以决定再带屋企人黎试下😆当日两个人丧点左扫点左十几碟寿司同几款刺身，每人点埋饮品同小食后埋单折左都系五百几蚊😱真心抵食😋店舖既装修模仿日本铁路既模样，再播住日本歌，成个feel 出晒黎呢
刺身
💁🏻♀️三文鱼腩/剑鱼腩/八爪鱼/油甘鱼
刺身我地要左四款，每款四片，我个人私心推介剑鱼腩同油甘鱼刺身👍🏻剑鱼腩出面真系唔系经常有得食，而呢度既刺身质素都几新鲜，切既厚度适中，一啖食晒都唔会腻
寿司
💁🏻♀️6吋三文鱼寿司
六吋长既三文鱼寿司😍真系好耐无食啦，不过今次个三文鱼部位就比较瘦啲，有两件都几靓仔既😉一啖食晒会成口都三文鱼油味，好满足
💁🏻♀️三文鱼腩寿司
三文鱼腩一向都系稳阵之选，肉质几肥美，食十件都唔会厌呀
💁🏻♀️剑鱼腩寿司
又系我最爱既剑鱼腩❤️咬落爽口弹牙，有阵好独特既鱼油味，最爱佢既口感
💁🏻♀️火炙左口鱼边寿司
左口鱼烧咗之后特别香，基本上点少少豉油已经好好味，我哋叫咗两碟，每人有两件刚刚好
💁🏻♀️花之恋
屋企人特别钟意食花之恋，不过呢度嘅花之恋相对细件少少，少少过下口瘾都唔错
💁🏻♀️七味火炙鳕场蟹棒寿司
蟹棒除咗系小朋友至爱外，原来都系好多人嘅童年回忆，我屋企人次次食寿司都会叫蟹棒，少少辣辣地几惹味
💁🏻♀️玉子寿司
玉子寿司就系平时喺寿司店食到嘅质素，甜甜地其实可以当甜品
💁🏻♀️火炙三文鱼腩寿司
食完普通嘅三文鱼寿司，火炙过既更加不到鱼油嘅香味，正常发挥啦
💁🏻♀️海胆军舰
我估餐厅系用咗加拿大海胆，味道比较浓郁，得我一个人食😉一件过下口瘾就够晒啦
💁🏻♀️稻荷吞拿鱼沙律寿司
前排食完腐皮寿司，今次都好想再食😉上面嘅系平时我哋食三文治嘅吞拿鱼沙律，同甜甜嘅腐皮味道好夹
小食
💁🏻♀️八爪鱼小丸子
食到后期感觉都好饱，我哋每人食咗两粒就已经full晒啦，不过热辣辣嘅八爪鱼小丸子加上蛋黄酱系几好食嘅，冇得输
饮品
💁🏻♀️梅子青柠梳打
💁🏻♀️柠檬梳打
总括嚟讲，可以用半价嘅价钱食咁多寿司其实系好抵食，虽然平时好少过MegaBox，但系过开嚟嘅话呢度的确系不错嘅选择，一定会再encore
张贴
