辛安東元祖奶奶雞 (已結業)

三週年半價奶奶雞優惠延遲到八月，終於都唔洗錯過，可以食平雞門口reception態度極度惡劣，唔係為咗個特價應該即刻走咗去咗樓上坐，明明幾多位，不過兩個人要坐中間張大bench, 仲好似茶餐廳卡位咁兩個人坐一邊，張枱好窄，餐具碗碟又多，就嚟夾埋人哋啲餸，似同對面嘅人一齊食飯多啲。辛東安元祖奶奶雞中辣完全唔夠辣，試過叫大辣，點之仲辣過譚仔大辣，爭啲胃潰瘍。可唔可以整返個5大辣？普通奶奶雞已經好好味，未食過芝士鮮蠔嗰啲，尤其鍾意佢個粉，好入味，又彈牙明洞水冷面之前見人推薦呢味，心諗冷面好食極都有限，食過先知驚為天人。個汁係精髓，唔知係咩味，不過真係好正。冷面真係冷冷地，配埋雪梨同青瓜絲，十分開胃。兩個人食都算飽，奶奶雞半價後要計返原價加一，張單所有加一都係round up咗e.g.15蚊嘢收2蚊加一，仲要話連五毫都唔收，都幾過份。雞係幾好食，但係服務真係要檢討下。