影片
更多
2023-09-04
129 浏览
👍🏻药膳麻油鸡米线(半价后) $26呢间一直bookmarked咗好耐但仲未食过，趁而家做紧限时优惠即去试下买任何米线，第二碗(价钱较低者)有半价优惠为返呢碗招牌药膳麻油鸡$26，大大碗全日同价，CP值真心癫冇得输🤪！-汤底麻油味比较香浓明显，药膳味较淡原只鸡髀上，鸡味几浓，鸡皮爽口，但以鸡髀嚟讲肉质就唔算好滑配料几丰富，有虫草花、红枣、桂圆、杞子、木耳、金菇米线份量好多好大碗，质地好弹牙！埋单问返店员先知，原来老板系想做麻油鸡汤底，只系加咗药膳配料个名先咁叫，其实麻油先系主角，一场误会🤣味道：7/10性价比：10/10-👍🏻巴蜀麻酸辣汤米线 $28特色少见嘅巴蜀汤！辣度分咗七级，第三级小辣程度大概谭仔五小左右睇落去红卜卜好似好辣，但其实辣得比较温和入口先酸后辣，油度都可接受，但麻香就唔系好明显反而巴蜀香料味好突出，整体味道偏浓，啱晒重口味人士😜！-🔸回辣猪肠 +$12🔸肥牛 +$10🔸鱼腐 +$7🔸牛丸 +$7一碗平咗另一碗就嗌多啲𩠌试下，当中最推荐回辣猪肠猪肠酱卤入味，偏向似卤水味咸中带甜，辣度温和炆得软腍唔韧得嚟又有弹性，肥膏适中冇异味，好食🤤！牛丸唔系爆汁个种不过不失，肥牛同鱼
呢间一直bookmarked咗好耐但仲未食过，趁而家做紧限时优惠即去试下
买任何米线，第二碗(价钱较低者)有半价优惠
为返呢碗招牌药膳麻油鸡$26，大大碗全日同价，CP值真心癫冇得输🤪！
-
汤底麻油味比较香浓明显，药膳味较淡
原只鸡髀上，鸡味几浓，鸡皮爽口，但以鸡髀嚟讲肉质就唔算好滑
配料几丰富，有虫草花、红枣、桂圆、杞子、木耳、金菇
米线份量好多好大碗，质地好弹牙！
埋单问返店员先知，原来老板系想做麻油鸡汤底，只系加咗药膳配料个名先咁叫，其实麻油先系主角，一场误会🤣
味道：7/10
性价比：10/10
-👍🏻巴蜀麻酸辣汤米线 $28
特色少见嘅巴蜀汤！辣度分咗七级，第三级小辣程度大概谭仔五小左右
睇落去红卜卜好似好辣，但其实辣得比较温和
入口先酸后辣，油度都可接受，但麻香就唔系好明显
反而巴蜀香料味好突出，整体味道偏浓，啱晒重口味人士😜！
-
🔸回辣猪肠 +$12🔸肥牛 +$10🔸鱼腐 +$7🔸牛丸 +$7
一碗平咗另一碗就嗌多啲𩠌试下，当中最推荐回辣猪肠
猪肠酱卤入味，偏向似卤水味咸中带甜，辣度温和
炆得软腍唔韧得嚟又有弹性，肥膏适中冇异味，好食🤤！
牛丸唔系爆汁个种不过不失，肥牛同鱼腐正常发挥
不得不赞即使嗌四𩠌每个𩠌份量都好多，上枱超大碗😳
味道：8/10
性价比：8/10
-👍🏻蒜泥白肉(跟餐8折后) +$18 & 巴蜀凉拌猪耳(跟餐8折后) +$16
另外所有小食跟餐价同正价同样都做紧8折，劲抵食😙
白肉厚薄适中，肥肉唔算好多，猪皮位爽弹，蒜泥有特别调味过，见到唔少辣椒碎
最正系除咗红油同蒜泥外，呢度嘅白肉仲有麻辣酱，够晒重口味😈！
凉拌猪耳咸辣微酸，轻微嘅麻辣感，猪皮弹牙，软骨爽脆，好惹味
两款小食份量都合理，重口味人士表示好满足😌
味道：8/10
性价比：9/10
-👍🏻水煮肥牛片米线 (半价后) $28
水煮咁正竟然冇人讲🤔网上见大多数人都系食药膳麻油鸡、花雕鸡、胡椒猪肚鸡等，但个人觉得水煮汤都好食😜
中辣麻香突出明显， 麻多过辣，后劲都last几耐，加上大量蒜蓉，非常过瘾
平时川菜餐厅闲闲地都要百几二百蚊起跳，自己一人又食唔到🥲
呢度平平地一人份量，钟意食麻辣水煮嘅朋友真系可以一战😎！
肥牛就正常发挥，仲有大量秀珍菇、大豆芽、云耳等
唯一扣分系食到最尾麻到啲苦味走咗出嚟🫢
大大碗无论肥牛定米线份量都好多，不过留意呢款只限堂食同不设加𩠌
而家买任何米线，第二碗(价钱较低者)有半价优惠
大大碗全日同价，CP值满分🤪！
味道：8/10
性价比：10/10
-👍🏻新疆汤米线 $28
好少见嘅特色汤底！有淡淡胡椒孜然味，味道冇想像中咁浓，唔辣
🔸回辣猪肠 +$12 🔸回辣猪肚 +$12 🔸肥牛 +$10 🔸鱼片头 +$7
四𩠌中最推荐回辣猪肠同猪肚🌟
酱卤入味，偏向似卤水味，咸中带甜，微辣
两者炆得软腍唔韧得嚟又有弹性，干净冇异味
肥牛同鱼片头就正常发挥
不得不赞即使嗌四𩠌每个𩠌份量都好多，上枱超大碗😳
味道：7/10
性价比：8/10
-👍🏻香辣鸡软骨(跟餐8折后) +$17 & 巴蜀凉拌猪肠(跟餐8折后) +$21
另外所有小食跟餐价同正价同样都做紧8折，劲抵食😙
凉拌猪肠弯弯曲曲嘅折位更加容易沾上麻辣酱，咸辣微酸，肥膏油脂香唔会被掩盖
鸡软骨米线舖小食嚟讲都算唔错，唔会油淋淋，咬落爽脆香口，但重口味人士表示调味可以再咸啲🤏🏻
味道：8/10
性价比：9/10
-而家买任何米线，第二碗(价钱较低者)有半价优惠
太子同深水埗两间分店都有，但留意优惠期只做到今年9月30日🔥
-📍#米线哥 @mixiangor
太子花园街232-242号黄礼贤大厦地下K舖
深水埗元州街32号地舖
张贴
