一寿司 (已結業)

11號晚去左食佢\10pm後既半價壽司....個大魚缸,其實一d都唔靚..嗌左(壽司):海膽(10個嘔有一萬個嘔):佢\d海膽係細細塊,一pat pat的;食落甜味欠奉,每一塊都有異味的!!咩異味?!個人認為係似尿味的異味!!!真係超嘔心呀!!食到作嘔!仲有一塊係苦的....有冇搞錯呀....食到喊呀真係.... 問問坐右手邊又有嗌海膽壽司的,佢\話食落好腥;但唔知點解見到坐左手邊既人係咁嗌海膽壽司黎食...完全唔知有咩好食囉.... 唉....海膽本身係一種美食....點解可以俾佢\地搞到咁....?帶子:好\"林\"....好似不太新鮮咁....三文魚+魚子:非常馬虎...就咁喺魚上放上魚子..但係都跌晒落黎,好似就咁食d魚子之後食三文魚壽司一樣...蟹肉+蟹膏:個蟹膏其實係唔錯的~幾濃郁呀d味~不過份量頗少..藍鰭吞拿魚:味道其實唔錯的,好有吞拿魚味,,不過塊魚好薄好薄....大甜蝦:雖然大同彈牙,但冇甜味的.....我寧願食細但鮮甜的....其他壽司全都冇咩特別,包括:鰻魚,蟹柳,腐皮,北寄貝,\"立\"魚,蔥吞拿魚軍艦,三文魚等.坐左個幾鐘,杯茶只被添過一次咁大把..