組長日式放題 (已結業)

临近年尾，当然又系食好嘢既时候! 铜锣湾多嘢食就大家都知，但系讲到食平少少既日本放题呢，近来就似乎越来越少噜~ 避过一大堆企街sales之后，黎到呢间应该都唔少人去过既后街既楼上放题 - 组长~ 虽然位于闹市，但系价钱绝对够大众化，而且上到去虽然人多，但又唔会觉得唔好坐，第一印象已经不错!嘢食种类算系多，但系就冇乜话太特别/突出既款式，都系以大路嘢为主。店员既服务态度唔错，而且都几有效率，可能因为地方唔大一眼望晒，基本上一举手就会有人埋黎由于都系谂住食生嘢为主，所以今次反过来叫咗熟食先，之后再清一色食生嘢，好似唔洗沟沟埋埋会好啲~ 叫咗少少天妇罗啦、串烧啦、羊架之类，卖相都几唔错既，特别系海虾串，睇见都想食 而且食落又真系够晒新鲜，虾味仲好重添! 至于鸡翼亦都好入味，不过表皮就唔够㶶，如果再㶶少少会更加香口惹味! 天妇罗都一样系唔错，特别系茄子，颜色好靓，而且唔会太厚粉 不过羊架就认真唔得 韧到无朋友 仲有个蚬，味道OK既，但系有沙....不过今餐既主角始终都系刺身! 咁既价钱黎讲，其实自自然然个expectation都会低番啲，但系又估佢唔到，呢度既刺身质素真系好唔错㖞，系就系冇象拔