影片
更多
2019-10-29
316 浏览
秋凉的晚上，独自一人回到旧居，寻旧路，寻旧时的美食，寻旧时的感觉。踏进门口，唔驶睇餐牌，唔驶睇价钱，一屁股坐下，再一望老板，讲声照旧，一切心照不宣。读者们以为"香港仔财记鱼蛋粉"，最好食一定系鱼蛋，这样想便中伏了。只有街坊才懂，这小店最撚手的是牛腩，冻奶茶和墨鱼丸(我真系估你唔到呀!)。 小弟只是一介文棍，并不是摄影师，原谅我影相影得咁求其，$48有牛腩饭有汤连热饮，份量亦适中，价钱亦算公道。紫菜汤味道一般货色，但老板都唔吝啬紫菜既份量，诚意搭救。牛腩绝对系肥瘦适中，牛味同腩汁调教方面，厨子做出了一个绝佳既平衡，一旧半肥瘦牛腩入面埋藏住深不可测刀功，再加少少招牌辣椒油，食完之后系唔会揾得番呢种咁"Balance"既味道。惊训唔著觉无叫奶茶，都浅谈下呢度既奶茶，茶胆唔算太浓，入口好滑，唔太甜，奶咪颇重，惊甜可考虑"少奶"。至于另一名物"墨鱼丸"，小弟好少堂食，但此名物系小弟家族打边炉时必备之食物，此物入口弹牙，丰富墨鱼丸味，不过价钱唔平，除番开都近$4一粒，但此物为大围打边炉必备三宝之一，至于另外两宝系咩名堂?卖个关子，下回我再返大围揾食再为大家介绍。食完回家睡懒觉，衷心希望香港人洗尽烦
踏进门口，唔驶睇餐牌，唔驶睇价钱，一屁股坐下，再一望老板，讲声照旧，一切心照不宣。
读者们以为"香港仔财记鱼蛋粉"，最好食一定系鱼蛋，这样想便中伏了。只有街坊才懂，这小店最撚手的是牛腩，冻奶茶和墨鱼丸(我真系估你唔到呀!)。
牛腩饭套餐
$48
12 浏览
0 赞好
0 留言
小弟只是一介文棍，并不是摄影师，原谅我影相影得咁求其，$48有牛腩饭有汤连热饮，份量亦适中，价钱亦算公道。紫菜汤味道一般货色，但老板都唔吝啬紫菜既份量，诚意搭救。牛腩绝对系肥瘦适中，牛味同腩汁调教方面，厨子做出了一个绝佳既平衡，一旧半肥瘦牛腩入面埋藏住深不可测刀功，再加少少招牌辣椒油，食完之后系唔会揾得番呢种咁"Balance"既味道。
惊训唔著觉无叫奶茶，都浅谈下呢度既奶茶，茶胆唔算太浓，入口好滑，唔太甜，奶咪颇重，惊甜可考虑"少奶"。
至于另一名物"墨鱼丸"，小弟好少堂食，但此名物系小弟家族打边炉时必备之食物，此物入口弹牙，丰富墨鱼丸味，不过价钱唔平，除番开都近$4一粒，但此物为大围打边炉必备三宝之一，至于另外两宝系咩名堂?卖个关子，下回我再返大围揾食再为大家介绍。
食完回家睡懒觉，衷心希望香港人洗尽烦恼丝，寻找美食只需随心而行，才不负香港多年"美食天堂"之美誉。
PS:呢度有只好肥既猫店长，唔系成日巡舖，两年前意外，老板用左几万蚊帮佢做左个大手术救番佢一命(腹部仲有条大疤痕)，人多时会出来巡舖，有缘就会见到。
最后，谢谢大家听我发牢骚，下次再见。
张贴
