XOCO Mexican Cantina & Bar

营业中

休息中

一直都好钟意去食墨西哥菜既我，今日就讲返呢间细细间位于半山区既墨西哥风情吧餐厅「XOCO」啦~位于摩罗庙街既佢，系香港站沿住扶手电梯上就可以轻松到达～虽然大家应该唔会咁早去呢到食野，但记得扶手电梯系大概朝早10点先会转向上去呀！10点前系落架🤞🏻🤞🏻去既时候仲可以经过大馆影相添!餐厅大概可以容纳15至20人到，而出面就有1至2张两人台可以望街景，唔算太大间。由于摩罗庙街有好多外国人酒吧，所以坐系出面既位子望住D人流都有去咗外国啲横街细巷Feel呀今次我就叫咗个「墨西哥汤」&「墨西哥style粟米片」黎食！「墨西哥汤」清清地配上长条型既Nachos几特别～跟佢个cream cheese沾黎食真系好夹！！想清清地浸汤食又得，再唔系想好似薯条🍟点茄汁🥫食又得。 然后重头戏「墨西哥Style Nachos」亦无得输！配上焗芝士、牛油果酱、茄汁、cream cheese 混埋一齐焗，真系块块都系味觉享受💙好好食好正！唔想咁寡既话，仲可以加钱要鸡肉丶牛肉丶猪肉等各方便肉类做配料呀。总结:被西餐包围住既呢一间半山墨西哥菜小店虽然细细间但好食又大碟！去开半山区又想试D唔同丶特别D既菜式不妨去呢到试下！