朗悅軒

营业中

休息中

之前有次staycation去左半山罗便臣道既宏基国际宾馆，系好有历史既老牌宾馆，系教堂旁边，坐拥无敌海景，不过今次天气唔太好，无得系户外食饭。晚餐系朗悦轩食，可能因为疫情关系枱同枱都隔得几远，六点几去到有四到五枱人，不过大概七点几就就会多啲人。入去拣好位坐低，侍应会比口罩信封、消毒纸巾同餐牌，慢慢拣好再点餐。今次叫左腊味煲仔饭、蘑菇汁香煎牛脷配薯菜，可以选择中或者西汤，配牛油餐包。热辣辣既腊味煲仔饭有好多料，包括腊肠、膶肠、腊鸭、腊肉，加埋煲仔饭豉油，仲有饭焦，捞埋一齐好好食！蘑菇汁香煎牛脷都好有惊喜，一上菜既摆盘好靓，颜色丰富，蘑菇汁浓郁，牛脷油份够煎到好香，薯蓉够滑加好浓郁既牛油味，好想再添！最后就系饮品同甜品，有茶、咖啡，饭后甜品竟然系煎马蹄糕，非常特别！值得推荐嘅除咗系美食，仲有靓景同贴心嘅服务！