Marco's Oyster Bar & Grill (已搬遷) 新店位置

今日带A姐沿中环至半山自动扶手电梯系统上半山，睇吓我哋未来，如果中六合彩头奖，仲要一注独得，前面𠮶座呢，最高顶层嘅复式单位就会系我哋嘅家。面既然一场上到嚟半山区，就食餐饭先再返我哋嘅蜗居啦。呢间位于半山区嘅，原来午餐唔系豪宅价，仲好亲民价添。牛肝菌蘑菇忌廉汤Set Lunch包汤，我哋就拣咗牛肝菌蘑菇忌廉汤，牛肝菌同蘑菇打到碎晒，所以个汤好香浓好creamy。仲有2个热辣辣嘅包，A姐就钟意点餐厅自家制嘅油同醋，话好香口，而我就钟意搽牛油喇。免翁牛柳伴意粉牛柳大概五成熟，肉味香浓嫩滑，意粉细心地用咗蕃茄酱先煮，令意份唔会太单调。伴碟仲有新鲜嘅沙律菜配香醋。鹅肝酱焗猪扒饭焗猪扒饭就食得多，想食得更尖，呢个鹅肝酱焗猪扒饭就一定要试。鹅肝酱好香浓，好细滑，一啲都唔腻。猪扒尚算厚切，唔嚡，肉质鲜美。