影片
更多
2019-10-01
16007 浏览
食尼餐唔系为左回本，只系想尝试食一次半岛酒店既自助餐。环境气氛非常好，有烛光晚餐feel。侍应服务真系好好，入座会帮你拉凳，为你凖备餐巾，离开座位时又会帮你将餐巾折好。同埋系一齐出去拎食野都会好放心，唔担心俾人偷野。前菜：中东海鲜入座时，侍应会先送上前菜。今晚既前菜系中东海鲜，有虾有鱼，调味酸酸地，唔错，几开胃。冷盘矶煮鲍鱼，酱汁同鲍鱼好夹，鲍鱼有赵口，好食(不过食得多会滞，唔可以太贪心)。有一只龙虾好难起肉，d龙虾肉痴住个壳，另一只就比较容易起肉，但无乜龙虾味。带子唔错，但无乜带子味。虾、青口、螺一般。我地都同意蟹脚蟹钳既肉质好实，好似雪/摆得太耐，唔好食。整体而言，冷盘都系食唔出食材本身鲜味，只系口感唔错。刺身带子一D都唔会孤寒，原粒介开，大粒，爽滑鲜甜，好味。其他刺身都系标准(优于放题质素)。热盘烧牛油大虾，好香既牛油味，配埋酱汁，好食。蒜蓉粉丝蒸扇贝，第一转拎既可能焗得太耐，豉油太甜，同埋有几条粉丝系干哂。第二转拎既唔错。煮青口，一般。辣肉肠好硬，唔好食。希腊八爪鱼肉丸，几好。烧美国有骨肉眼，肉质嫩滑，好有咬口，食落好有牛味又有肉汁，系我暂时食过最好食既一间。咖喱鸡上脾，嫩滑唔
前菜：中东海鲜
入座时，侍应会先送上前菜。今晚既前菜系中东海鲜，有虾有鱼，调味酸酸地，唔错，几开胃。
冷盘
矶煮鲍鱼，酱汁同鲍鱼好夹，鲍鱼有赵口，好食(不过食得多会滞，唔可以太贪心)。
有一只龙虾好难起肉，d龙虾肉痴住个壳，另一只就比较容易起肉，但无乜龙虾味。
带子唔错，但无乜带子味。
虾、青口、螺一般。
我地都同意蟹脚蟹钳既肉质好实，好似雪/摆得太耐，唔好食。
整体而言，冷盘都系食唔出食材本身鲜味，只系口感唔错。
刺身带子一D都唔会孤寒，原粒介开，大粒，爽滑鲜甜，好味。其他刺身都系标准(优于放题质素)。
热盘
烧牛油大虾，好香既牛油味，配埋酱汁，好食。
蒜蓉粉丝蒸扇贝，第一转拎既可能焗得太耐，豉油太甜，同埋有几条粉丝系干哂。第二转拎既唔错。
煮青口，一般。
辣肉肠好硬，唔好食。
希腊八爪鱼肉丸，几好。
烧美国有骨肉眼，肉质嫩滑，好有咬口，食落好有牛味又有肉汁，系我暂时食过最好食既一间。
咖喱鸡上脾，嫩滑唔鞋口，咖喱好惹味，配埋饭食仲好食(不过食自助餐唔会食咁多饭啦)。
咖哩芝士好烟un，脆薄饼好薄脆。
烧羊脾好硬，无羊味，难食。
吉列大虾炸得松脆，虾肉好嫩。
炸鹰嘴豆饼，好硬，唔识欣赏。
南乳炸鸡，无乜南乳味，无咖喱鸡咁嫩，唔好食。
甘荀姜忌廉汤，姜味唔会好重，口感好creamy，推介。
甜品
葡挞正常。
面包布甸唔错，只系麻麻面头个层果酱味。
Peninsula自家出品：黑芝蔴雪糕味道太浓烈，唔太喜欢，云呢嗱雪糕穏阵。柠檬雪葩，似益力多冰，超酸，但又几清新，唔错。
就食完既时候，侍应话甜品有梳乎厘，需时20分钟，如果唔想等咁耐，最好提早问一问侍应。
梳乎厘食落真系好似食紧空气咁，不过我更倾向原味，麻麻草莓味(唔知系咪每晚都系同一款味道呢)。
饮品: 热咖啡，冻柠茶
(个人口味: 3.3+3.5/10)
结论：始终价钱相比其他酒店自助餐都系偏贵，所以尝试过一次就足够，任务完成。
张贴
