本佐日本燒肉料理 (已結業)

今日收工同老婆逛尖沙咀撞到表弟同佢女友拍拖,所以join埋一齐食佢地原本已经订左The Hart 3楼呢间新开张嘅日式烧肉店,我地未够7点上去,因为客人未多,所以改成4位都仲未需要等位。餐厅面积都几大,以一贯日式烧肉店木色系列设计,比较特别系餐厅设有bar枱位置,环形设计好适合情侣并排而坐烧野食。食物系半放题形式,部分食物系每位一份,部分系任点任食,当中最吸引一定系刺身船同A5和牛。另外4位以上预早日订位更加送龙虾刺身,早知我地一早约埋订枱啦。😌刺身船刺身船好丰盛,除左有三文鱼腩,带子,北奇贝,八爪鱼,甜虾等等嘅刺身之外,最令我地惊喜系有好鲜甜嘅海胆,而且份量好多,虽然海胆唔系任食,不过呢个份量我地都已经相当满足。😋海鲜头盘海鲜嘅种类都好多,有青口,圣子,蚝,贵妃蚌,鲭鱼同虎虾,当中我最满意系虎虾,虾肉弹牙又够大只,虾头仲有虾膏,另外嘅海鲜味道都唔错,尤其系表弟负责烧嘅鲭鱼,外皮烤脆之余,鱼肉都仲系咁嫩滑。烧肉拼盘每位一份嘅烧肉有别于一般放题店,食材比较高级,牛肉,猪肉同鸡肉都有好多款,牛肉有A5和牛,安格斯牛仔骨,秘制-口牛同渍壶牛柳条, A5和牛油脂丰腴,每边微微烤香,入口即溶,牛