華嫂冰室 (已搬遷) 新店位置

tea time特登去试下大热既华嫂冰室，由天水围西铁站行去餐厅，大约要10至15分钟。天气好热好晒，所以有少少辛苦。大约3点，已经有人排队，好彩有座位可以坐住等叫number。差唔多到number既时候，会有侍应帮你落单。叫左招牌芝士咸牛肉蛋猪仔包($21)，香煎猪扒米粉($26)，冻柠檬益加多($18)，冰花奶茶($21)。芝士咸牛肉蛋猪仔包必食，猪仔包烘到好脆，咬落去听到chop chop声。芝士系半溶状态，啖啖芝士香。而咸牛肉方面，份量多，香口，加埋蛋一齐食好夹，而且系热辣辣，即叫即整，等左一阵就有得食。猪扒煎得够香，煎完都唔会硬身，仍然有肉汁。可以加钱叫唔同既汤底，不过天气热，唔想饮热汤底就冇试啦。个人认为，如果唔系口渴或者天气热，唔好叫饮品，叫多款食物试仲好，一杯饮品甘唔多等于一款小食。好后悔饮饮品。2杯饮品不过不失。因为坐出面系冇冷气，只有风扇，加上个风扇岩岩好对正我，所以食野个阵，好辛苦，d头发吹黎吹去。要带定橡筋紥头发。坐入面就有冷气。