半熟工房 (金馬倫道) (已結業)

今日去开尖沙咀, 经过半熟工房见冇咩人排队, 就去买番件新出品试下啦!! 去到真系好彩~~岩岩出炉冇耐~离远都闻到好香好香, $22一件半熟朱古力挞 都几大件! 好快就买到手~卖相好吸引, 望落个挞涨卜卜, 挞面几香脆咁, 相机食先之后 即刻引唔住咬黎试下~挞皮做得唔错, 口感同佢既半熟芝士挞一样KEEP到松化~脆脆地唔会硬~ 咬开入面既朱古力馅有半熟状态似MOOUSE既口感~够幼滑~ 味道方面, 馅心有香浓朱古力味, 但唔会觉得太甜, 朱古力甜度适中, 我觉得有D似朱古力奶既味. 食紧既时候我觉得有少少似食紧心太软 又有啲似食紧BROWNIES...! 而挞皮都有几香既朱古力味, 因为听讲块挞皮都系用朱古力造, 唔似其他店只系用普通牛油皮, 所以我估一定啱晒钟意食朱古力既人! 个人黎讲我钟意食呢个半熟朱古力挞多过之前既抹茶芝士挞~ 佢除左新出半熟朱古力挞, 仲有半熟朱古力蛋糕~ 下次会再买埋黎食下~