影片
更多
2019-01-27
313 浏览
可能适合对象：#日本蛋糕大师 #过江龙 #半熟芝士蛋糕 #紫醉金迷紫薯忌廉挞 甜度（5星最甜）：⭐️⭐️⭐️⭐️浓度（5星最浓）：⭐️⭐️⭐️⭐️🍴：餐刀 ✔️ / 蜡烛 ✔️ / 冰袋 ✖️/ 纸盒✔️🏷：✔️（另加3蚊）💬：环境几得意，一入门口似大家乐咁，但较左行入啲，经过卖包嘅位置，会有一个Corner似Coffee Shop，可以坐底食件饼。店员好好，当小编念紧食咩时，佢哋会推荐边款好食。几Welcome，Nice！🛒：中环 #cakeup_中环站🔘：件装/ 个装（约1磅左右。一日前亲身或打电话嚟预订。）————————————————————性价比：中上日本又一过江龙嚟香港开饼店，一眼望埋去饼柜，会有少少系日本超级市场睇蛋糕嘅感觉。如果你哋唔知，𠵱间饼店虽则系日本品牌，但系其间个底系翠华同𠵱间饼店联手嘅。不过唔好俾翠华个名令你却步，蛋糕质素都算系OK。而佢哋有大蛋糕卖嘅款式暂时唔多，只有5款，包括草莓北海道忌廉蛋糕（$330），半熟芝士忌廉芝士蛋糕（$320），抹茶忌廉蛋糕（$280），朱古力忌廉蛋糕（$280）同紫薯忌廉挞（$220）。而今日试嘅，就系有出细版嘅两款：半熟芝士蛋糕同紫薯忌廉挞。半熟芝
甜度（5星最甜）：⭐️⭐️⭐️⭐️
浓度（5星最浓）：⭐️⭐️⭐️⭐️
🍴：餐刀 ✔️ / 蜡烛 ✔️ / 冰袋 ✖️/ 纸盒✔️
🏷：✔️（另加3蚊）
💬：环境几得意，一入门口似大家乐咁，但较左行入啲，经过卖包嘅位置，会有一个Corner似Coffee Shop，可以坐底食件饼。店员好好，当小编念紧食咩时，佢哋会推荐边款好食。几Welcome，Nice！
🛒：中环 #cakeup_中环站
🔘：件装/ 个装（约1磅左右。一日前亲身或打电话嚟预订。）
————————————————————
性价比：中上
日本又一过江龙嚟香港开饼店，一眼望埋去饼柜，会有少少系日本超级市场睇蛋糕嘅感觉。如果你哋唔知，𠵱间饼店虽则系日本品牌，但系其间个底系翠华同𠵱间饼店联手嘅。不过唔好俾翠华个名令你却步，蛋糕质素都算系OK。而佢哋有大蛋糕卖嘅款式暂时唔多，只有5款，包括草莓北海道忌廉蛋糕（$330），半熟芝士忌廉芝士蛋糕（$320），抹茶忌廉蛋糕（$280），朱古力忌廉蛋糕（$280）同紫薯忌廉挞（$220）。而今日试嘅，就系有出细版嘅两款：半熟芝士蛋糕同紫薯忌廉挞。
半熟芝士蛋糕 💰：$32 / $320
对蛋糕有啲了解嘅人，一眼睇到个名，可能会令你联想到半熟工房，但系小编问过，其实系冇「La Lung」嘅。而我食完，第一口感觉，好味！面层嘅Cream 好香牛奶味，唔漏，配埋芝士蛋糕，好有效果。芝士蛋糕甜中带满满嘅芝士香，绵感足够，有少少适中嘅浆口感，但唔严重。而底部饼底OK，够脆口硬净，有牛油香，饼底仲夹有惊喜，有原粒榛子系入面，正㖞。好少会饼底加入原粒榛子去做，从而增加口感，特别。整体糕身好软熟，好软绵绵。由面嘅软身轻飘飘嘅Cream，到中间半软熟嘅芝士蛋糕，再到底嘅硬净饼底，口感好分明。$32蚊，食晒软绵硬嘅层次，Good！一个人食一件，算接受。
紫醉金迷紫薯忌廉挞
💰：$35 / $220
好香紫薯味呀喂，好香，好味。甜就甜啲啲，但口感好温馨！佢啲紫薯系泥嘅质感，粉粉哋（即系好似芋泥咁）。加埋入面有好味嘅忌廉，好融为一体。正当条脷俾紫薯泥冚住时，黑加仑子酱个Fresh会hit到条脷。而我亦都好欣赏佢个底，系挞底，好好味。𠵱款蛋糕仲只系香港限定，值得一试，好味！好丰富嘅紫薯泥，好多，好味。而佢体形较为长身，属于大件头，我觉得两个人Share会好啲，会有啲「点到即止」嘅感觉。一个人食可能就会有少少觉得「乜食咗咁多啖，都仲未食完嘅」
总结：唔错，蛋糕好味，高质。服务都好好，就算嗌完蛋糕，店员会攞埋上台俾你。但在蛋糕上台时，觉得可以高格调啲。例如堂食，可以帮客人攞走埋张包蛋糕嘅胶纸，同埋可以攞走埋放底嘅底纸同胶底盘。其实人类一小步，个感觉会好好多。同埋其实佢仲有好多款蛋糕，我都好想试，包括红莓吉士盒同 Cream Puff。睇吓迟吓有机会，再开心Share！ ————————————————————
#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相机食先 #假日好去处 #惊喜
半熟芝士蛋糕
$32
40 浏览
0 赞好
0 留言
紫醉金迷紫薯忌廉挞
$35
29 浏览
0 赞好
0 留言
张贴
