翠園 (荃新天地) (已結業)

见到宣传话主餐牌半价，仲要星期一至日都有，即刻选定一日同屋走企人试吓。对上一次嚟呢间荃新天地嘅翠园晚饭，已经好似系好多年前嘅事，今晚book 7:00到来，唔驶等就已经可以入得，枱与枱之间足够一点五米距离，入门口亦都有量体温同埋搓手液，呢方面做得好当然要赞。但是，当一开先问佢攞个酒水牌，侍应竟然话冇，我相信屋村酒楼都应该会有，酒水嘅价钱牌系显示佢哋有啲乜嘢啤酒汽水同埋价钱系啲咩，呢啲嘢好基本。拎起个餐牌点菜，七点点菜都话有啲已经卖晒，跟住点左三四个𩠌先，转个头又话其中两个又卖晒，跟住又点过，谂住叫五道菜，叫完又改。以为终于点完，隔10分钟后又话头先点𠮶样嘢冇，其实呢个集团想点呢，系唔够猪肉定唔够牛肉？试过一次我相信未来呢几年我都唔会再去，呢啲特价做得唔好根本系搞衰自己个品牌，而我相信我亦都短期内唔会再去。