影片
更多
2011-10-25
1 浏览
今晚走咗去旺角上啲整饼班，赶住上堂，所以完咗先去食饭，梗系拉埋个朋友Z陪吓食埋晚餐先散啦。登打士街嘅家乐坊地库开咗段时间，因为自己少出旺角，所以一直都未有帮衬过，既然难得晌旺角，自不然落去睇吓有咩好食，眼见味吉拉面馆都几多客，就投佢信心一票啦！店舖以深啡木色作为主调，部份位置以幼竹柱间高，影响空间感。再加上啲枱实在排得太密太密，做多啲生意实在无可厚非，但密到基本上隔离位哥仔讲乜，无心嘅都听到晒啰。全场装晒石英射灯，好嘅就够光猛，唔好嘅就太过「光撑撑」。反而晌枱面上摆设就有啲心思，除咗以木盒装著筷子，调味盘有盐，仲有七味粉同生蒜。而则边栋咗个「味吉拉面博物馆」嘅牌仔，落咗单未有咁快有嘢到，除咗同朋友倾吓偈之余，就趁机翻开睇睇，原来系介绍唔同地区日本拉面嘅特色，例如博多拉面：猪骨汤配幼直嘅面条；札幌拉面：味噌（面豉）汤配挛而粗嘅面条……都几有趣。面未到，先嚟杯唔热唔冻嘅乌龙茶，味道有点甘，茶味浓。大概等咗15min左右，两碗拉面都先后奉上，装面个碗大大只，碗口直径都有成个薄饼大批咁大，连汤带面份量去到个碗一半高，但拿上手极之坠手，难为捧餐嘅侍应生。顺便讲讲服务，虽然对餐牌部份资料唔系好熟，
店舖以深啡木色作为主调，部份位置以幼竹柱间高，影响空间感。再加上啲枱实在排得太密太密，做多啲生意实在无可厚非，但密到基本上隔离位哥仔讲乜，无心嘅都听到晒啰。全场装晒石英射灯，好嘅就够光猛，唔好嘅就太过「光撑撑」。反而晌枱面上摆设就有啲心思，除咗以木盒装著筷子，调味盘有盐，仲有七味粉同生蒜。而则边栋咗个「味吉拉面博物馆」嘅牌仔，落咗单未有咁快有嘢到，除咗同朋友倾吓偈之余，就趁机翻开睇睇，原来系介绍唔同地区日本拉面嘅特色，例如博多拉面：猪骨汤配幼直嘅面条；札幌拉面：味噌（面豉）汤配挛而粗嘅面条……都几有趣。
面未到，先嚟杯唔热唔冻嘅乌龙茶，味道有点甘，茶味浓。大概等咗15min左右，两碗拉面都先后奉上，装面个碗大大只，碗口直径都有成个薄饼大批咁大，连汤带面份量去到个碗一半高，但拿上手极之坠手，难为捧餐嘅侍应生。顺便讲讲服务，虽然对餐牌部份资料唔系好熟，但侍应生大都有礼，斟茶递水都好快手吓！自家制叉烧、特色猪软骨札幌拉面 $78
朋友Z所拣嘅系叉烧搭猪软骨，叉烧佢要咗全瘦，要札幌拉面，即系味噌汤底配挛粗嘅拉面，伴一小粒牛油粒，配料仲有葱、粟米粒、木耳丝同一大片紫菜。
味噌汤底色泽几对板，呷一口，带有几香面豉味。面条比想像中唔算好挛好粗，面条只系有啲湾曲，粗幼度同我食嘅博多拉面一模一样。一客面有两大片叉烧同两大旧猪软骨，叉烧虽话系全瘦，都有少少肥膏，肉味一般般；而猪软骨所谓特色只系以酱油煮，不过咬落几松化。
自家制叉烧、厚切豚肉博多拉面 $78见朋友点咗札幌拉面，我就梗要博多拉面啦，可以比较吓两者点唔同丫嘛。小弟嘅选择系叉烧搭豚肉，叉烧试吓半肥瘦，伴一匙羮明太子，仲有半只溏心蛋，配料有葱、木耳丝同一大片紫菜。
博多拉面，以猪骨汤配幼直嘅面条，汤底色泽唔算好奶白，猪骨味普通，亦无话嗒落好胶嘅感觉，相信用嚟熬汤嘅猪骨份量唔会话好重手；面条幼身爽直，又几有咬口。至于半肥瘦叉烧系点，其实系几肥，可以话肥多过瘦，一客同样有两大片，相信唔系个个都接受到，亦唔好被我哋广东式嘅半肥瘦叉烧所错估。厚切豚肉同上面试过嘅特色猪软骨味道无分别，只系差别于两者取自唔同部位。明太子系博多名产，即系腌制过嘅鳕鱼卵，博多拉面自然跟一匙羮明太子俾你叹，明太子本身好鬼死咸，通常伴饭伴面，依家将啲明太子同啲汤捞匀，汤头变得咸香，感觉又唔同晒喇，多咗层次感。此外，只溏心蛋亦好正，唔晒多讲，睇相都知，蛋黄滑溜，蛋白软软嫩嫩，木耳也很爽，只是配料嘅紫菜唔多脆，但反正放汤，都系浸腍，无所谓啦！
试过之后，觉得味吉嘅拉面只系中规中矩，同好多出名嘅拉面店仍有大段距离。当然，佢哋嘅定位都系一般中档消费嘅后生仔，以七十零蚊，叫算系咁啦。
张贴
