Orange Tree (已結業)

本來係想幫襯同大廈另一間的，但見orange tree都有buffet又未試過，咁就入咗去了一行3人，開始食自助頭盤先，但冇影到相有吞拿魚蛋沙律，好味，好甜的西瓜同橙，燒過嘅矮瓜翠肉瓜，好多款嘅cold cut，沙律菜，包包同酥皮脆條，全部都唔錯呀!每人叫一個主菜share食。豬柳，邊位最多醃料仲帶少少肥最惹味仲有啲新薯同紅蘿蔔，質感剛好!牛排薯條，牛排肥瘦適中，自己覺得肉味可以再濃啲，薯條少少粗夠熱，都好味!海鮮risotto，有小青口，魷魚，帶子呀咁。飯唔算超濃郁但都剛好。包啡茶，甜品要加錢的，$198加一唔包湯同甜品就貴咗啲，但嘢食都唔錯嘅，可以再返嚟。