Olive Cafe (新領域廣場) (已結業)

早几日同谦谦去新领域到完验眼，顺便系楼下餐厅到食晚餐先回家，Olive cafe 晚餐选择都好多款， 今次我同谦谦都想食肉为主，所以就分别叫左一猪一牛 😁。⚛ Olive德国咸猪手 ～ 好大只猪手仲要铁板上，外脆焗得超香脆，猪手肉质咸咸地又腍，点附送的蜜糖食特别唔同。⚛ Olive 牛扒 ～ 石烧牛扒85g ， 完全自己操控想食几成熟都得，岩哂我心水， 因我想谦谦食熟d ， 自己就食7成都得 😆， 牛扒肉质ok 配上他们的牛汁， 谦谦可以食哂一碗饭呢！⚛ 日本唐扬鱿鱼须 ～ 估唔到又炸得几好，粉浆够薄， 鱿鱼须够弹牙。呢到最正系，只要叫左主菜，汤和沙律就可以饮食， 罗宋汤煲得够哂入味，汤的蔬菜料又够丰富，忍唔住饮左两碗， 而沙律菜都几新鲜，之后自行落芝麻酱食几好。走时见到门口好多人等外卖，原来外卖有特价餐，下次都可以过来买外卖回家慢慢叹。