森泰遠甜品餐廳 (已結業)

之从睇完YouTuber 亚 Data介绍过呢间餐厅，就成日心丝丝想试吓。卒之的起心肝去食，系去之前1日通过openrice订位。呢间餐厅好近观塘地𫓧站，地理位置超方便。可惜餐厅身处工业中心1楼内，要食环境既人就可以唔洗考虑。我同我屋企人因唔太介意用餐环境。入到去餐厅系无乜特别装修，胜在静静地同干净光猛，正正常。我地今次主攻既半自助晚餐由6点半开始食到9点。头盘/前菜同甜品全部可以系自助区攞，任食既。当然货色系平常大路野，例如炸烧卖，白云凤爪，云耳，茄子，中华沙律之类既凉伴。唔算太特别。任食甜品虽然只有4款左右，反而每款既味道都唔错。钟意食甜品既应该会几开心。主菜选择由$118至$400内都有，我先生同我妈妈分别叫左鸡扒意粉同青口意粉。份量好大碟，味道亦不错，对得住个价$。而我点左半份既烧猪排骨最有惊喜，似乎个酱汁系秘制，好惹味。最后因为我地通过openrice个网站提前1日订位，咁会免左加一服务费。同埋仲会送多个甜品火炎雪山比我地晚餐做个完美既总结。顺带一提老板娘好nice同亲切，招乎亦周到。希望继续多D人支持呢类型既家庭式经营既餐厅/小店。