牛極 (雅怡居)

营业中

休息中

位于深水埗近期大热自助烧牛扒店。一入到门口先用自动售票机选心水牛肉类型同重量，分别有牛肩肉眼、牛肋骨排、西冷等。买左飞后交比店员就会安排位置,同埋可以先去自助吧。自助吧有沙律、面豉汤、白饭同柠檬水，都系任食任饮沙律菜好新鲜,椰菜丝切得好幼细。面豉汤好浓郁,而且好足料有海带豆腐萝白。牛肋骨扒系带骨嘅,因为本身厚切上,所以有骨份量都足够,而且骨附近既肉更重牛味。用火山石烧熟表面，不但有口感，牛肉味好突出。肉眼扒,用火山石烧熟表面,自己切开烧熟其他肉面,可以自己控制熟度。切开再轻轻烧一烧入面,肉质好嫩唔会韧，加上小小海盐更加带出牛味。！！！