影片
更多
2023-06-07
2043 浏览
协奏坊西餐厅早几日去咗铜锣湾一间酒店食自助午餐，呢间酒店位于铜锣湾中央图书馆附近，酒店名叫珀丽酒店，自助餐就喺2楼。呢度自助午餐由12点食到2点半，时间非常充足，唔洗食到赶头赶命，餐厅地方十分宽敞，估计能够容纳100人或以上，平日一至五午餐时段，都只系$168一位，而且住客仲可以以七折价钱享用，非常抵！$168嘅价钱有三款Main Course拣，而今次就拣咗哥顿布猪扒配意式茄蓉汁同香煎比目鱼配露笋红花汁。哥顿布猪扒配意式茄蓉汁：呢块猪扒简直系我全餐饭最爱嘅食物，猪扒有3层味道，顶层芝士，中间切开系火腿，下面就系厚厚嘅猪扒，足足有2CM咁厚，粉红嫩肉嘅猪扒肉质有口感之余亦都保持到软滑嘅感觉，喺口入面散发著无比嘅猪肉香气，就连肥肉部分散发出来阵阵油香，加埋顶层芝士一齐食感到非常邪恶！香煎比目鱼配露笋红花汁：比目鱼块上面铺著几条幼嘅露笋，下面仲有4块爽脆嘅翠玉瓜，比目鱼煎得香脆，同时亦保留到嫩滑嘅感觉，鲜味十足！外面嘅自助餐部分亦都唔错沙律吧有几款菜同埋粟米，再有两款沙律酱以供选择，蔬菜用料新鲜爽脆多汁，系沙律菜同羽衣甘蓝，粟米都好甜！另外仲有三款新鲜水果，西瓜、蜜瓜、菠萝，三款都好甜好新
早几日去咗铜锣湾一间酒店食自助午餐，呢间酒店位于铜锣湾中央图书馆附近，酒店名叫珀丽酒店，自助餐就喺2楼。
呢度自助午餐由12点食到2点半，时间非常充足，唔洗食到赶头赶命，餐厅地方十分宽敞，估计能够容纳100人或以上，平日一至五午餐时段，都只系$168一位，而且住客仲可以以七折价钱享用，非常抵！
$168嘅价钱有三款Main Course拣，而今次就拣咗
哥顿布猪扒配意式茄蓉汁同香煎比目鱼配露笋红花汁。
哥顿布猪扒配意式茄蓉汁：
呢块猪扒简直系我全餐饭最爱嘅食物，猪扒有3层味道，顶层芝士，中间切开系火腿，下面就系厚厚嘅猪扒，足足有2CM咁厚，粉红嫩肉嘅猪扒肉质有口感之余亦都保持到软滑嘅感觉，喺口入面散发著无比嘅猪肉香气，就连肥肉部分散发出来阵阵油香，加埋顶层芝士一齐食感到非常邪恶！
香煎比目鱼配露笋红花汁：
比目鱼块上面铺著几条幼嘅露笋，下面仲有4块爽脆嘅翠玉瓜，比目鱼煎得香脆，同时亦保留到嫩滑嘅感觉，鲜味十足！
外面嘅自助餐部分亦都唔错
沙律吧
有几款菜同埋粟米，再有两款沙律酱以供选择，蔬菜用料新鲜爽脆多汁，系沙律菜同羽衣甘蓝，粟米都好甜！
另外仲有三款新鲜水果，西瓜、蜜瓜、菠萝，三款都好甜好新鲜！
仲有1d小食供应，薯条同埋麦乐鸡，虽然系比灯照住保暖，但依然都能够保持到脆口，而且薯条系厚切，上面仲加咗调味粉，再配埋茄汁或泰式酸辣酱就正啦！
再有两款面包，一款比较硬身似法包，另一款较软身有一定咬口。
中西式汤：
西式嘅系意大利杂菜汤，入面都有好多种嘅蔬菜，西兰花、萝卜同番茄，汤能够完全带出所有嘅蔬菜味道，亦都唔会有好重调味！
中式嘅系凉茶，虽然无写明系乜野凉茶，但系一饮就知道罗汉果煲出嚟嘅，真系好适合依家炎炎夏日嘅天气，清凉解暑！
六款热食：
金针云耳蒸鲽鱼柳、炒黄牙白、福建炒饭、翠玉瓜炒鸡柳、鲜奶浸牛油粟米同豉油王炒面！
甜品种类唔算多，但系都有四五种
花香味嘅摩丝，令人置身于花香之中！
红莓鲜奶布丁，鲜奶布丁好香滑，再加埋红莓嘅清新，唔错！
朱古力蛋糕，朱古力香浓！
七彩椰汁糕，椰香味浓，有齐泰国风味！
仲点少得每个自助餐都会出现嘅朱古力喷泉，可以配以棉花糖或朱古力蛋糕！
最后当然系小朋友最钟意嘅雪糕，系维记雪糕任食，有四款口味：朱古力、芒果、云呢拿同绿茶，旁边仲有彩色糖碎、朱古力粒、杏仁碎比你加，小朋友见到一定非常好开心！
半自助餐每位价钱$168，再加一服务费！
个人口味总评分：8/10
地址：铜锣湾信德街8号香港珀丽酒店2楼
Please follow me🙆♂️ @wheelchaireatinhongkong
如果钟意我嘅分享，麻烦请follow我，仲有记得Like同Share！🙏🏻🙇🏻♂️
#协奏坊西餐厅 #铜锣湾美食 #铜锣湾好去处 #铜锣你 #珀丽酒店 #香港探店 #香港美食 #相机食先 #hkfoodie #hkfoodblogger #hkfoodpic #hkfoods #852food #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
