鳴門割烹料理 (已結業)

平时放题食得多，食哩个日式半自助餐都系第一次！见佢$238送矶煮鲍鱼都几吸引😆 首先拣两款主食，牛肉野菜锅同埋锅烧牛柳粒目玉丼。牛肉野菜锅系我最爱既寿喜烧汤底，味道浓郁。而锅烧牛柳粒啲牛柳粒同洋葱都炒得好香，个酱汁捞饭好和味。刺身选择唔算好多，但系够新鲜，加埋矶煮鲍鱼真系鲜味十足。炸物方面比较钟意只芝麻鸡翼，满布芝麻加上用咗辣汁腌制只鸡翼，好惹味，但嫌佢啲炸物唔够热。另外推荐佢哋个明太子玉子烧同巨峰梳打，味道唔错。