嘆住食 (已結業)

叹住食，斋听个名，以为系间好平民嘅茶记，估唔到系一间令人好有惊喜嘅半隐世西餐厅。好耐冇食过有质素嘅意大利饭😭，呢度嘅轻煎带子伴虾膏蟹肉意大利饭我就非常满意，无论系饭粒嘅生熟程度同软硬度，酱汁嘅调味同稀稠度，以至系带子嘅 size 同鲜味，蟹肉嘅份量等等，全部都冇咩好挑剔，感动🥰。餐汤亦一啲都唔马虎，系烟肉薯仔忌廉汤，劲 creamy，汤入面嘅烟肉，薯仔粒份量都唔算少，既好味，又有咬口。又系劲满足嘅一餐🥰。