強記美食 (已搬遷) 新店位置

本人住新界, 真系唔多机会过港岛区食嘢, 不过呢间强记俾朋友推介咗好多次佢个糯米饭, 今次难得过咗嚟铜锣湾, 好~ 我点都过嚟会会你先得~嚟到见佢有开(因为朋友话佢哋好有形架, 时开时唔开), 我即刻ORDER碗糯米饭食啦, 我女友就叫咗碗猪骨粥(其实我哋两个都已经食咗饭, 所以真系食唔落其他嘢啦), 讲返个糯米饭先, 真系坚好食, 佢系果只蒸好一底白色糯米饭先, 然后ORDER就加润肠, 蜡肠, 豉油捞捞佢, 之后加葱加花生, 哗~ 痴线架, 好好味呀~ 糯米饭香而不黏口，炒得唔错，用嘅蜡味都唔系平嘢，润肠同蜡肠的馅料无酒味，亦都唔系只得肥肉。猪骨粥就煲得几绵, 味道都可以，另外仲落咗唔少腐竹，所以唔太稠，不过猪骨的量唔多，略欠肉香。