影片
更多
2022-03-22
209 浏览
一直以嚟都唔会去酒楼食海鲜，好似好易就比人挡到成颈血😂但行过呢间酒楼见到唔少人帮衬，小菜同海鲜嘅卖相都唔错，而且餐牌价钱全部清清楚楚摆喺门口👍🏻即使系套餐都有好多配搭可以拣，自由度高又经济实惠，所以我哋就决定5:15嚟食个早晚餐🙈我哋3个人，不过餐厅得2人/4人套餐，初头谂住要贵啲散叫，但原来可以4人餐($680)减$100，依旧4个𩠌、1条蒸鱼、1碟扬州炒饭同每人1罐饮品，可量化嘅海鲜就会减1，计落都只系人均$170，对比南丫岛甚至西贡其他海鲜酒家算系好抵👍🏻由于好多人拣喺lunch食，所以5:00得几枱客，但无阻姨姨嘅热情款待，仲安排海边位比我哋叹住海风食嘢😆10分钟左右嚟咗第1碟 - 白灼墨鱼，配上带葱香、辣辣地嘅豉油，本身想叫椒盐鲜鱿，但白灼可以更突显食材系咪新鲜，因为完全冇香料掩盖🤓结果冇令我哋失望，墨鱼爽口弹牙，又唔会好似橡筋咁硬，灼完之后亦带有葱香，十足十开胃小菜😋第2碟系非常吸引嘅咕噜肉，呢个系我最钟意嘅茶餐厅/酒楼嘢食，每次见到9成9都会叫，但而家好多地方都做得麻麻😗食完呢碟真系会赞不绝口，因为新鲜整所以猪肉冇焗到淋晒，甚至会食到脆卜卜嘅外皮，猪肉亦有一定咬口，而且每
我哋3个人，不过餐厅得2人/4人套餐，初头谂住要贵啲散叫，但原来可以4人餐($680)减$100，依旧4个𩠌、1条蒸鱼、1碟扬州炒饭同每人1罐饮品，可量化嘅海鲜就会减1，计落都只系人均$170，对比南丫岛甚至西贡其他海鲜酒家算系好抵👍🏻由于好多人拣喺lunch食，所以5:00得几枱客，但无阻姨姨嘅热情款待，仲安排海边位比我哋叹住海风食嘢😆
10分钟左右嚟咗第1碟 - 白灼墨鱼，配上带葱香、辣辣地嘅豉油，本身想叫椒盐鲜鱿，但白灼可以更突显食材系咪新鲜，因为完全冇香料掩盖🤓结果冇令我哋失望，墨鱼爽口弹牙，又唔会好似橡筋咁硬，灼完之后亦带有葱香，十足十开胃小菜😋
第2碟系非常吸引嘅咕噜肉，呢个系我最钟意嘅茶餐厅/酒楼嘢食，每次见到9成9都会叫，但而家好多地方都做得麻麻😗食完呢碟真系会赞不绝口，因为新鲜整所以猪肉冇焗到淋晒，甚至会食到脆卜卜嘅外皮，猪肉亦有一定咬口，而且每粒都啱啱好2啖，唔会搞到食汁多过食𩠌🥰我必须讲明呢篇绝对唔系饍稿或者广告，只系太耐冇食过咁满意嘅咕噜肉，所以忍唔住赞多几下，如果要鸡蛋里挑骨头，可能就系酱汁可以酸返少少🤣
咕噜肉最好就系用嚟送饭，唔知系咪厨房听到我嘅心声，第3碟就嚟咗扬州炒饭，用料绝对唔hea，至少有7粒偏大嘅虾仁同两羹粒粒叉烧，炒得够干身而且粒粒分明，唔会觉得油淋淋或者太咸，配𩠌啱啱好😚
第4碟系椒盐虾，炸得好通透又唔油腻，脆到连虾头虾尾都可以一次过食晒🤩椒盐唔系面头洒啲粉或者香料就算，而系有好多炸蒜辣椒脆米，捞埋炒饭食真系一流😝
第5碟系果皮蒸鲍鱼，原本餐牌系写米蒜香鲍鱼，不过姨姨会问你想要边款煮法，鲍鱼最好就系清清地，所以我哋拣咗用陈皮👍🏻鲍鱼比想像中大只，唔会缩到得返半只咁，弹牙得嚟唔会靭，系鲍鱼味唔多，不过呢个价钱嚟讲已经好好🥳
最后一碟系蒸鱼，3个人食非常之够，冇因为减咗$100而比条好细嘅鱼，肉质嫩滑可口，真系要大酒楼嘅蒸笼同𪷽油方式先做到，作为埋尾真系好满足❤️
食完我哋都好饱，仲要跑去赶船😂总括而言系令人食过返寻味嘅一餐，尤其是𠮶阵冇咩人，厨房就有多啲时间煮好每碟𩠌，我已经期待紧下次试食豉椒炒蚬😜今次亦改变咗我觉得海鲜餐好唔抵嘅偏见，只要揾啱铺头就可以满载而归，强烈建议大家去南丫岛要试下😆
张贴
