影片
更多
2015-03-08
8538 浏览
作为一位由细食客家炆猪肉&门鳝食到大的土生土长香港人, 口味同城市长大的人会有些少分别… 虽然我地唔系姓邓, 由我地条村行去佢地嘅围城都只系几分钟路程… 我唔敢讲边种味道先系正宗, 我只会讲边种味道系我儿时食到的, 个人口味嘅o野, 无得Challenge…以前过年过节, 祖母健步如飞之时, 我地无食过盘菜, 所有传统客家菜都系独立一碟碟上枱, 唔会捞埋一堆… 老实讲, 盘菜又点会好味, 所有o野捞埋一齐, 我眼中只有1)难食同2)味道都唔错食得落…出来社会做事后, 唔想祖母咁辛苦, 盘菜就偶尔系我地屋企出现… 再加几味自煮小菜&煲个住家靓汤…盘菜已经食过几十家, 只有2家系我觉得较为好味… 其中1家系呢间…盘菜的卖相不外乎都系一堆o野咁… 食落肚前紧记要彻底翻热…大堆头材料包括: -* 屏山神仙鸡* 手打梅花鲛鱼丸* 炸鲜门鳝* 鸡汁烩花菇* 油炮海虾* 炆本地鲜猪肉* 自发土鱿* 五香猪皮* 南乳支竹* 萝卜我食盘菜永远都系摷炆猪肉先, 大家唔好乱学, 系非常危险的行为, 好容易引发山泥倾泻… 南乳味够重, 香得来又唔会过咸, 猪肉软腍腍唔会干柴柴, OK, 你合格了…有门鳝自动加
盘菜
548 浏览
1 赞好
0 留言
以前过年过节, 祖母健步如飞之时, 我地无食过盘菜, 所有传统客家菜都系独立一碟碟上枱, 唔会捞埋一堆… 老实讲, 盘菜又点会好味, 所有o野捞埋一齐, 我眼中只有1)难食同2)味道都唔错食得落…
出来社会做事后, 唔想祖母咁辛苦, 盘菜就偶尔系我地屋企出现… 再加几味自煮小菜&煲个住家靓汤…
盘菜已经食过几十家, 只有2家系我觉得较为好味… 其中1家系呢间…
盘菜的卖相不外乎都系一堆o野咁… 食落肚前紧记要彻底翻热…
大堆头材料包括: -
* 屏山神仙鸡
* 手打梅花鲛鱼丸
* 炸鲜门鳝
* 鸡汁烩花菇
* 油炮海虾
* 炆本地鲜猪肉
* 自发土鱿
* 五香猪皮
* 南乳支竹
* 萝卜
我食盘菜永远都系摷炆猪肉先, 大家唔好乱学, 系非常危险的行为, 好容易引发山泥倾泻… 南乳味够重, 香得来又唔会过咸, 猪肉软腍腍唔会干柴柴, OK, 你合格了…
有门鳝自动加分~ 唔系因为好味, 只是找到了儿时的回忆…
然后开始攻猪皮、支竹、萝卜… 支竹有韧力, 真系食极唔厌… 萝卜清甜无渣… 猪皮系口内弹吓弹吓…
Honey食咗好多花菇, 够啦, 唔好再食啦, 我惊你唔消化呀…
鸡肉有弹性, 好味… 土鱿好香, 有o赵头...
整体味道真系唔错, 南乳够晒香, 唔会过咸, 材料口感又唔错, 唔会淋到溶咁, 可以Encore~
<<严正声明>> 如果阁下未食过盘菜, 又无必要食盘菜, 就唔好幻想到盘菜好好味, 千山万水去一试… 我地只系家人太多(四代同堂), 懒煮咁大家族的𩠌ssss, 先无奈要借外援…
张贴
