南亞冰室

营业中

休息中

今日约左读书时的好朋友，因为由细识到大，食咩都唔介意，所以我地又去左朗豪坊熟食市场食啦，熟食市场终于装潢完，换左新枱櫈、照明、冷气，令到成个街市都比以前舒服更多。有几间都系我平时的最爱，谂左好耐，最后决定左食南亚冰室的洋葱鸡扒饭配热奶茶，由细食到大，呢家都只系加到33蚊，其实都真系算系咁。叫左食物之后就要等叫号码拎食物，等左大约五分钟就有了，不过见到佢的洋葱汁超橙同"杰"身(印象中以前唔系咁，不过近几年叫炒粉面多，唔太记得)，但系食落去个味系ok㗎㖞，同一般洋葱汁分别不太大，不过个人而言，略嫌洋葱少左啲，同埋洋葱味都系唔太够，但味道系ok的。鸡扒比起以前好似细左，每块有约半只手掌大，有两块的所以都唔错，呢家有附埋刀仔方便客人切。奶茶方面都系正常奶茶，虽然未称得上好滑，但都无失准，不过不失，都系我最爱的饮品之选。