Kebab Bistro

营业中

休息中

转转鸡卷今日去食嘅时候，已经差唔多收舖，所以净系试到佢嘅鸡肉，羊肉已经卖晒。老板系外国人都叫有啲风情，所以佢整出嚟嘅转转鸡卷，都有啲外国嘅味道。首先佢个皮又唔会好干，另外加够足够嘅酱汁落鸡肉度，临尾食完成手都系酱，鸡来讲肉质都比较滑，唔会太干，所以都几推荐。转转鸡配饭由于佢卖晒羊肉，所以叫多个饭都唯有叫鸡肉，鸡肉都系同转转鸡卷一样，肉质红色，唔干身，加埋佢有三个酱汁，分别系蒜蓉酱，薄荷酱同辣椒酱。个人建议就系蒜蓉酱沟辣椒酱一齐食，咁先最好食。羊肉鸡肉拼盘呢个系最贵，但系最唔推介嘅一个拼盘。初头叫嘅时候谂住有啲羊肉食吓，点知嚟到全部肉都好鞋，同好干。啲酱都救佢哋唔到，羊肉就比较臊，我个人就食得到嘅，不过加埋柴皮肉就争啲。环境佢开喺K11对面，地理位置都算唔错。佢起身，不过佢通常都系坐吧枱，隔离有间铺仔有三个位左右。亦都冇冷气，夏天去就争少少。但系胜在有南亚风情，职员都好好人，好热情招待，呢个价钱算系咁啦。