大串

营业中

休息中

南区宝藏店💗想食就一定要订位！小店得三张枱，walk in基本上系无可能🤔订位嘅时候，记得问下有冇乜嘢可以预订，例如图九、十嘅大鱿鱼同盲𫚧🤤因为佢哋每日朝早去街市拎货，所以无订就无得食㗎啦🫠叫得宝藏餐厅当然食物质素系极高！首先，食材绝对唔会过份调味，好多时坊间嘅串烧店都会用大量孜然粉/辣粉去掩饰食材嘅唔新鲜，但呢到就唔会啦！调味适中，食得出肉嘅本味，分得到牛羊鸡猪🤤其次就系火候。见唔见到图二嘅牛舌！！！！外焦内嫩，可以一个人食两串🥲猪颈肉切到一粒粒，肥膏烧到少少脆，点解咁好食🥲🥲🥲🥲仲有薯条🍟薯条狂热粉丝狂热推荐，话同寿司郎比系有过之而无不及🫣虽然佢唔系用粗薯，但系非常实在，脆脆嘅薯皮包住热辣辣嘅薯蓉，食到舌尖都会跳舞💃🏻💃🏻最紧要嘅当然系食材够新鲜啦😙所有海鲜都弹牙爽甜，特别推荐要预订嘅大鱿鱼同盲𫚧。鱿鱼系滑身爽口无渣，烧到焦焦甜甜🤤我唔食鱼都不停夹鱼食🥹无腥味嘅鱼系好正的🥹🥹🥹街坊小店食物质素高，价钱合理唔进取。