影片
更多
2021-12-19
607 浏览
难得唔使早起，瞓到自然醒，有人提议去黄竹坑叹个早午餐。原来一早已经有目标，睇中左 One Island South 地下呢间「Bread and Bistro」。餐厅邻近港铁站，环境很舒服，集手工面包店同 Café 于一身，客人既可以过嚟买各款特色面包，也可以坐下来吃点西餐轻食。好钟意入面嘅布置，走舒适简约风，加上落地大玻璃让自然光透入，感觉开扬光猛。餐厅主打日式西餐，我哋点左两个主菜，另外再加左客甜品。卡邦尼意粉 ($128) 意粉嘅火候掌握得啱啱好，面质有弹性，烟韧而不过腍，酱汁带浓郁嘅芝士香。Pancetta 肥瘦均匀，送上时已切成条状，入口带脆有咸香，份量十足。至于另一客日式咖喱配流心芝士汉堡及温泉蛋饭 ($118)，卖相亦很吸引。汉堡扒大大块，非常厚身，中间酿入了芝士，用刀轻轻一切，芝士随即缓缓流出，尝一口，肉扒啖啖肉，松软又多汁，入口「芝」香满溢。咖喱汁味道亦唔错，好香浓，够杰身但又唔会过稠，戳破旁边嘅温泉蛋，入口滑嫩又有蛋香，用嚟捞饭食一流！甜品拣左客经典原味梳乎厘班戟 ($98) 班戟摆盘相当精致，食落口感好松软，软绵Q弹，而且亦唔会过于湿润，淋上糖浆，再配埋又香又
难得唔使早起，瞓到自然醒，有人提议去黄竹坑叹个早午餐。原来一早已经有目标，睇中左 One Island South 地下呢间「Bread and Bistro」。
餐厅邻近港铁站，环境很舒服，集手工面包店同 Café 于一身，客人既可以过嚟买各款特色面包，也可以坐下来吃点西餐轻食。
好钟意入面嘅布置，走舒适简约风，加上落地大玻璃让自然光透入，感觉开扬光猛。
餐厅主打日式西餐，我哋点左两个主菜，另外再加左客甜品。
卡邦尼意粉 ($128) 意粉嘅火候掌握得啱啱好，面质有弹性，烟韧而不过腍，酱汁带浓郁嘅芝士香。Pancetta 肥瘦均匀，送上时已切成条状，入口带脆有咸香，份量十足。
至于另一客日式咖喱配流心芝士汉堡及温泉蛋饭 ($118)，卖相亦很吸引。汉堡扒大大块，非常厚身，中间酿入了芝士，用刀轻轻一切，芝士随即缓缓流出，尝一口，肉扒啖啖肉，松软又多汁，入口「芝」香满溢。
咖喱汁味道亦唔错，好香浓，够杰身但又唔会过稠，戳破旁边嘅温泉蛋，入口滑嫩又有蛋香，用嚟捞饭食一流！
甜品拣左客经典原味梳乎厘班戟 ($98) 班戟摆盘相当精致，食落口感好松软，软绵Q弹，而且亦唔会过于湿润，淋上糖浆，再配埋又香又滑嘅忌廉一齐食，香甜美味又不会过腻，为这个星期天，完美作结！
张贴
