德勝小廚 (已結業)

来到德胜小厨,见到墙上餐牌写著有梅子蒸鸭饭,梗系即时落单啦, 亦都即时知道无.早知当时问埋系近排都无定系咁啱卖晒啦,总之之后转咗南南乳猪手饭.跟饭既汤送上,系合掌瓜汤,合掌瓜无先去皮,成件食既话要”梅”返啲皮出嚟.里面有鸡有瘦肉,一般茶仔既餐汤好似都系其中一样咋㖞,算系肯落本,但系始终无合掌瓜果种甜味.南乳猪手饭既猪手系另外用碗分开上既,咁样可以件件都有汁,而且又唔会令饭浸得太多,好嘢!睇见颜色红卜卜以为系辣辣地既,原来唔系,不过平时食开既南乳好似无咁红架.南乳汁通常系杰杰地,咁先可以黏系食物上面,但依度南乳都几稀㖞,不过好在猪手都浓味.菜芯摆系猪手果只碗既最底,因为索咗南乳味所以好香,不过硬咗啲.就算扣除咗垫底既菜芯,猪手既份量都算多.但系太过冧,甚至冧到甩皮甩骨既程度.唔可以话差,因为的确好多人中意食冧既猪手,不过唔系我杯茶啰.