小富臨 (已結業)

天气咁热，室内活动最好，朋友带我去新商场行街，南昌站A出口就到嘅V Walk，好多商舖同食肆，正！云云食肆之中拣左小富临，好多人排队，$6一位茶钱，抵丫，仲可以夜晚叹到小菜同点心，中菜又啱食！ 五星拼盘一次可以食齐虾饺、凤眼饺、烧卖、小笼包、菜菌饺，小蒸笼特别精致！ 我最钟意凤眼饺，翠绿色好靓，入面仲有虾肉添。沙田烧乳鸽系富临招牌菜之一，都算几大只，$29.8劲抵食！ 可以叫一只先，食完觉得正再叫都唔迟，大量供应！姜茸松露鲜龙虾 ，龙虾开边，啖啖肉，食得方便。 肉质鲜甜弹牙！ 但系姜茸同松露份量太多，抢左龙虾鲜味，建议减量！花生苗紫金酱炒蛏子皇呢度菜都几特别，花生苗唔系成日会食到，望落似巨型芽菜，但就多一份清甜味同少一份青涩味，加左紫金酱去炒又再多一分惹味。  不过蛏子皇只得四件，唔多够喉。红菜头咸鱼鸡粒炒饭系惊喜菜式，本来只系为饱肚，估唔到咁靓，卖相一流。 入口无乜红菜头味，但咸鱼咸香味就好香，再加上饭粒烟韧，食完一碗又一碗！