影片
更多
2024-09-11
3346 浏览
趁做节约埋家人一起食大餐。有人近排去过食自助晚餐话唔错，今次就去食自助午餐。中午12点开始，早咗10分钟到达已经排长龙等入去，大概5分钟前放行入去坐，唔洗排排企，只系攞食物要等12点后，服务唔错，地方也清洁。冷盆都算多有5款，蟹脚、龙虾钳、螺、青口、虾，如果加添有蚝更妙极。日式冷盆有三文鱼、鲍片（或者系螺片）、墨鱼、Tuna鱼，寿司等。除咗蟹脚例牌咸D之外，青口、螺、虾都几爽，三文鱼都唔错，墨鱼就比较靭及难咬开。另一特式系龙虾喇沙米粉或面，汤底唔太咸唔太酸辣，略为改善喺龙虾肉比较淡（可能系白水煮过），但有虾膏，配喇沙汤唔错。沙律🥗必定有。热荤菜都有少不了的牛扒，印度咖喱汁配虾片唔错。又有龙趸但稍为落多D盐咸咗少少，炸鱼柳，烧肉都几好味。salami及巴拿马火腿就一般，芝士少选择。甜点款式都多款，有peach tart，芝士蛋糕、cookies、焦糖布甸等，当然有Gelato雪糕，仲有时兴的榴连味雪糕，朱古力雪糕就好味又有格仔饼，朱古力fountain、糖果等，应该细路仔一定好开心。生果必有西瓜🍉菠萝🍍蜜瓜🍈哈蜜瓜🍈。自助咖啡机，柠檬茶🍋任饮，奇怪的是汽水、橙汁之类没有自助任饮机，只提供
整体来说，食物唔错，服务OK，地方干净，没有环境，因为系一个封闭场地（没有窗的室内）。
张贴
