樂天經典 (已結業)

今日既生日饭，有家人为我庆祝，要照顾到妈妈既口味，都系想拣啲中式菜食，见到位于加拿芬广场既《乐天经典》话主打「南洋风味中式菜肴」，啲菜式系由中国人食谱再加入南洋食材和香料演化出来，几特别甘，一行四人一于试下。好钟意食蟹嘅我，生日梗要食豪啲。我拣左星洲黑胡椒蟹😍🦀🦀。胡椒蟹一放低，香浓惹味的黑胡椒，香气扑鼻，跟蟹一拍即合，蟹肉新鲜够甜，滋味十足。鱼虾蟹都比我地叫哂，青芥末虾球，古法蒸黄花鱼同油浸银鳕鱼。全部都好新鲜，个虾我从来都未食过呢个做法架。👍菜叫左四大天王同腐乳空心菜，我特别推介四大天王，呢碟菜有四季豆，荷兰豆，茄子同秋葵，个酱汁好开胃惹味。叫多个饭饱肚啲，福建鸡丁烩饭，叫个细size，都几大碟。甜品我地叫左三色桂花班兰糕，卖相相当吸引，班兰、椰汁、桂花三个味相当夹，糕好清甜，我自己一个食左三件。🤣🤣