影片
更多
2018-11-27
154 浏览
自从去过星加坡, 我就不知不觉爱上肉骨茶! 肉骨茶有两款口味, 一种系星加坡流行嘅胡椒味， 另一种系马拉槟城嘅药材口味，我比较钟意呢款!所以香港凡有卖肉骨茶嘅餐厅，我都会去试吓! 朋友啱啱介绍大坑开咗一间， 叫肉骨皇。我六点半去到, 夜市啱啱开始！ 餐厅灯光几柔和，最啱我地撑枱脚，倾下偈。即刻刨刨餐牌有乜好嘢食先，餐牌第一页就系招牌肉骨茶，价钱几公道，我们要咗个二人份!今日唔算太肚饿, 点多一个小食啦 , 原来佢啲热头盘小食都有成十几款， 算几多选择！ 我哋有啲贪心，样样都想试，于是就拣咗个小食拼盘！冇几耐热腾腾嘅肉骨茶就捧出嚟，餐厅好有心思，仲挞著个gas炉，保证肉骨茶够哂滚热辣！哗，有埋油炸鬼同豆卜，索哂汤汁，更滋味!虽然系两人份量， 都有好多排骨，熬得入味之余，肉质仍保留嫩滑，汤汁浓郁，咸中带甘甜。加埋碗油饭， 就更完美! 金黄色嘅鸡油，渗入热饭，香喷喷！我哋贪拼盘可以一次过试齐四款小食: 香炸鸡翼、春卷，虾饼同埋鱼饼！小食即叫即炸，好烫口！ ▪鱼饼味鲜， 微辣带香料味，开胃醒神！▪鸡翼点咗小小粉炸，外皮酥脆，肉嫩滑！▪虾饼用料新鲜，啖啖虾肉，唔会一口粉。▪春卷个馅包满芋头条
所以香港凡有卖肉骨茶嘅餐厅，我都会去试吓! 朋友啱啱介绍大坑开咗一间， 叫肉骨皇。
我六点半去到, 夜市啱啱开始！ 餐厅灯光几柔和，最啱我地撑枱脚，倾下偈。
即刻刨刨餐牌有乜好嘢食先，餐牌第一页就系招牌肉骨茶，价钱几公道，我们要咗个二人份!
今日唔算太肚饿, 点多一个小食啦 , 原来佢啲热头盘小食都有成十几款， 算几多选择！ 我哋有啲贪心，样样都想试，于是就拣咗个小食拼盘！
冇几耐热腾腾嘅肉骨茶就捧出嚟，餐厅好有心思，仲挞著个gas炉，保证肉骨茶够哂滚热辣！
哗，有埋油炸鬼同豆卜，索哂汤汁，更滋味!
虽然系两人份量， 都有好多排骨，熬得入味之余，肉质仍保留嫩滑，汤汁浓郁，咸中带甘甜。
肉骨茶
$98
21 浏览
0 赞好
0 留言
加埋碗油饭， 就更完美! 金黄色嘅鸡油，渗入热饭，香喷喷！
油饭
$15
17 浏览
0 赞好
0 留言
我哋贪拼盘可以一次过试齐四款小食: 香炸鸡翼、春卷，虾饼同埋鱼饼！
小食拼盘
$108
19 浏览
0 赞好
0 留言
小食即叫即炸，好烫口！
▪鱼饼味鲜， 微辣带香料味，开胃醒神！
▪鸡翼点咗小小粉炸，外皮酥脆，肉嫩滑！
▪虾饼用料新鲜，啖啖虾肉，唔会一口粉。
▪春卷个馅包满芋头条，细滑软绵!
老板推介我地饮餐厅自家制嘅柠檬薏米水， 食咗啲啲炸物，用嚟清下热气确系好提议！
柠檬薏米水
$35
19 浏览
0 赞好
0 留言
yummy
张贴
