樂天經典 (已結業)

妹妹今天正日生日，我们一家约咗在位置方便嘅乐天经典尖沙咀分店。乐天皇朝食过几次，乐天经典就第一次嚟食。其实这里都几啱家庭聚会，因为佢系将经典嘅中菜，融入南洋的风味，就算老人家都啱食。餐厅嘅装饰好清新舒适，我们获安排坐在四人卡位。前菜系花生同栗子，味道不俗，喜欢栗子同花生都炆得够淋。我们点了青芥末虾球，虾球炸得香脆，面头有些washabi，好开胃。福建鸡丁烩饭，干身嘅炒饭上面，再淋上美味嘅芡汁，湿润美味。黑胡椒蟹好入味，肉质新鲜，每一口都是浓浓的胡椒香。我同妹妹都钟意食鱼，所以叫咗两个鱼嘅菜式，有古法蒸黄花鱼，同油浸鳕鱼。喜欢黄花鱼肉质够嫩，火候适中。鳕鱼就好鲜甜 ，炸得金黄香脆。甜品都好抵食，桂花斑蓝糕45元一碟有六嚿，大大嚿。甜品有三层，最顶层系桂花糕，中间𠮶层系斑兰味，底层系椰汁味，卖相靓又有创意。