亞金南洋茶室 (黃大仙中心南館)

营业中

休息中

上年黄大仙南馆开左新既南洋风味餐厅，一直未有机会试菜。呢日相约朋友一齐去试下。午餐时间比较多人，需要排队，但5-10分钟左右就有位。我地叫左两个set lunch, 一个系香茅鸡扒掺掺，另一个系海南鸡掺掺。南洋野一定要叫个掺掺试下，姐系油面捞埋米粉两样一齐食。当然仲有米线或河粉等任君选择。一上菜就有惊喜，估唔到个鸡扒份量十足，加埋啲香葱同翠翠做配料，卖相已经相当吸引。鸡扒既肉质嫩滑算系唔错，唯一美中不足系都会食到个雪味，呢方面有待改进。但都有好多其他选择。咪睇个海南鸡好似细细碟，因为影之前己经食左件。如果比较两款鸡既味道，海南鸡略胜一筹。嫩滑鸡肉加上美味酱汁，一定食指大动。地道叻沙汤底十分之浓郁，微辣但落重椰汁，非常香口，赞！另可以自选餐饮或小食。值得一提个柠檬薏米水，冻热都一样咁好饮。除咗柠檬薏米，其实仲加左糖冬瓜，夏天必选！因为份量十足，我地冇额外加小食都非常满足！下次希望可以试试个牛油咖央多士。