Simply Bread (已結業)

我认我系肤浅, 受到杂志广告内可爱o既"南瓜古怪头"o既吸引, 专登搭车过黎买. $8一个, size只系较一般餐包大少少......唔紧要, 咁可爱, 照买可也! 同时亦买多个家庭装o既红豆丹麦圈, $15.返到屋企焗返热食. 焗完, "古怪头" o既面貌开始扭曲(因为系用朱古力浆做o既). 衬佢仲系一个人样时, 我快快食左佢. 一早知佢系红豆馅, 之但系叫得做南瓜头, 我估佢点都有d南瓜味, 而且收得我$8, 里面除左红豆馅外, 点都有其他过人之处o既! 点知食完之后, 我o既感觉系...一个普通过唔普通o既"法式红豆包"...佢个红豆馅系比街坊面包舖高质素o既,但系除此之外, 我真系揾唔到任何过人之处! $8, 仲比正常个装面包细1/3, 贵d㖞!不过另外买家庭装o既红豆圈(丹麦酥), 酥皮香, 红豆馅唔多唔少咁作点缀, $15大大个, 又抵食又好味!下次都系买佢无gimmick o既面包好过!