影片
更多
2016-01-18
906 浏览
系打食评之前呢 考考大家地理先知唔知 Louisiana路易斯安娜州系美国边到?其实佢系位于美国南面，墨西哥沿岸因为地理既环境，当地住左好多非裔同拉美裔既人所以呢个地方混合左好多唔同地方既文化等等先，点解食食下野会去左讲地理因为小公主最近去食既呢间餐厅佢地既菜式就系inspired by路易斯安娜既美食架喇餐厅既装修有d复古味个感觉就好似去左一间好多年前既屋咁华丽但唔属于呢个年代顺带一提，下层只有3张长方型既4人枱如果你系2个人去既话，就只可以搭枱喇(或者坐bar枱)Chargrilled Calamari with roasted lemon & lime chili sauce $100讲左咁耐，入番正题讲野食喇呢个鱿鱼圈整得好好食烹调既时间控制得好好，一咬就断佢本身有用个辣辣地既Sauce做调味加埋有小小酸酸甜甜既chili sauce会令人想食完再食Cajun Fried Chicken (Half) with crunchy coleslaw & cranberry apple sauce $100因为我地2个人都唔好Coleslaw所以叫店家帮我转左做薯条Fried chi
系打食评之前呢 考考大家地理先知唔知 Louisiana路易斯安娜州系美国边到?
其实佢系位于美国南面，墨西哥沿岸
因为地理既环境，当地住左好多非裔同拉美裔既人
所以呢个地方混合左好多唔同地方既文化
等等先，点解食食下野会去左讲地理
因为小公主最近去食既呢间餐厅
佢地既菜式就系inspired by路易斯安娜既美食架喇
餐厅既装修有d复古味个感觉就好似去左一间好多年前既屋咁
华丽但唔属于呢个年代
顺带一提，下层只有3张长方型既4人枱
如果你系2个人去既话，就只可以搭枱喇
(或者坐bar枱)
Chargrilled Calamari with roasted lemon & lime chili sauce $100讲左咁耐，入番正题讲野食喇
呢个鱿鱼圈整得好好食
烹调既时间控制得好好，一咬就断
佢本身有用个辣辣地既Sauce做调味
加埋有小小酸酸甜甜既chili sauce
会令人想食完再食
Cajun Fried Chicken (Half) with crunchy coleslaw & cranberry apple sauce $100因为我地2个人都唔好Coleslaw
所以叫店家帮我转左做薯条
Fried chicken个皮食落 ‘各各声’
就算鸡胸位都唔会鞋
食完亦唔会觉得成咀油
配cranberry apple sauce几有趣
个感觉有d似ikea肉丸+个jam
虽然有个sauce可以点，但个鸡本身好淡
如果有番多d调味应该会再好食d
唔好睇张相好似好细碟
其实系佢叠起左d鸡件，都有成5件架
Iberico Baby Back Ribs with our signature Jack Daniel & Peach BBQ Sauce $250唔驶惊，虽然佢话个汁系有Jack Daniel
不过其实一d酒味都无架
反而因为落左桃，生果既甜味令到个肉无咁腻
而且d ribs烧到岩岩好
好成点?就系我用叉叉起条骨果时
条骨系会自动同d肉分离
算得上系近年食过最好食既ribs之一
Dirty Rice Jambalaya $68其实呢个Dirty rice只系side黎
不过个份量两个人食系绝对有余
而且我愿意为左呢个饭而最黎帮衬
Dirty rice系当地一个好传统既食物
其实就系用白饭，再加d香料同肉煮成
佢既香料唔似印度果d咁重味
但食落你会觉得d味道好丰富
有d似一个进阶版黄姜饭
或者可以幻想系用左整dirty chicken果个汁黎炒饭
我地2个食完之后差唔多日日都提起
Agave Sweet $125(Tequilla, Apricot Jam, Jalapeno Syrup, Cajun Powder)
除左食物好出色之外
佢地都D cocktail都好有特色
(见到隔离枱杯酒会出烟tim)
我地当晚试左呢个Agave Sweet
入面加左Jalapeno (辣椒) Syrup d同Cajun powder
所以入口之后会辣辣地
同本身偏清新既酒形成对比
不过只系有少少刺激，所以女仔饮一样ok
呢到既食物水准好高，服务亦一样咁有水准每食完一个菜都会问我地觉得点
而且最贴心既系
本身我自己request将fried chicken个coleslaw转做薯条
但无为意原来ribs都系跟薯条
上左菜之后，佢地见到我地2个菜都系跟薯条
就再问我地会唔会唔想要番个coleslaw
当男朋友系到讲紧唔紧要啦，冇事既时候
我其实只系细细声讲左句，我想要普通salad
点知佢地真系送多个salad比我地
成件事真系好贴心
真心推介大家黎呢到试下
最紧要食个dirty rice呀 (哈哈)
张贴
