Book B Kitchen Mealmeal (已結業)

间中想做下文青，就会黎行下南丰纱厂，呢间 Book B Kitchen Mealmeal 经过过好多次，今日终于一试。店铺一半系书店，一半系cafe，食完野仲可以去睇下书📖绝对系文青必访既地方😌呢度主打日式定食，餐点感觉健康得黎又带点特色。1⃣️招牌五品定食（$138）不愧系招牌，非常丰富🤩有年糕福袋昆布汤、樱花虾玉子烧、酸豆茄子他他配黑麦多士、黄姜糖渍栗子黑豆薯蓉、梅子芥末火箭菜莲藕、自家抺茶盐炸谜瓜、昆布汁紫苏饭团。特别钟意佢既福袋，昆布汤好好味🤤福袋入面有年糕、萝卜丝、菇，而且索晒汤👍另外茄子他他配多士都唔错，本身谂住呢个搭配有啲奇怪，但系食落酸酸甜甜咁又几开胃😯  2⃣️腐乳炸鸡定食（$108）腐乳味道其实好淡好淡。不过炸鸡真系有惊喜😳炸衣好薄，鸡肉好嫩滑而且好大件。成个定食有四大件炸鸡、炸秋葵，仲有面豉汤、玉子烧同埋薯蓉。另外佢既饭系加左藜麦既，食落更加健康😋 3⃣️招牌野菜南瓜蓉味噌豆乳乌冬（$88）汤底饮落比我想像中香浓，可能因为加左味噌，味道唔会太清淡太单调。饮落系健康干净既味道🌱加埋南瓜片、菇、蛋、腐皮、秋葵等等既配料，啱晒想食得light啲既人。乌冬食落好弹牙，而且汤底真系健康