Fleur (南豐紗廠)

营业中

休息中

想試呢間Fleur 好耐，環境又靚，食物既擺盤都係好有心思～今次就趁平日lunch得閒黎食。平日既lunch會包埋餐湯同飲品。當日既餐湯係蕃茄湯，蕃茄味道濃，偏酸，感覺係好真既蕃茄湯。cafe主要供應啲輕食類，感覺會輕盈啲，成個環境都好啱同三五知己慢慢坐慢慢食。1⃣️Avo Lover（$128） 個樣已經好打卡able😍有三款牛油果既野食，中間果款係切片既牛油果花，另外兩邊有牛油果配刁草加拿大三文魚，同埋乾蔥牛油果他他大阪燒，都係又靚又好食～牛油果係啱啱好軟滑新鮮既feel。菜式特別得黎，令人視覺味覺都好滿足。  2⃣️Meat Lover（$128） 竹炭麵包中間夾住鹿兒島豬扒，兩邊仲有醃紅椰菜同埋青蘋果野菜沙律，炸豬扒超級厚🤩冇諗過咁厚咁大件。食落炸得香脆，而且佢雖然厚但係仲保留到肉汁，配上兩邊既沙律同埋酸甜沙律醬，味道好豐富而且唔會單調。  3⃣️Cold Brew（跟餐） 佢地既Cold Brew算係中度偏深度烘培，唔會好酸，味道都幾balance。  4⃣️Velvet Latte（跟餐） 係紅菜頭拿鐵，粉紅色既樣好吸睛～味道唔會好強，奶味重啲，感覺健康得黎又易入口。