八焼鳥屋 (已結業)

博多拉面吃得多，串烧未试过。所以餐牌上特别选有个＂博＂字啲。和牛寿喜烧串加蛋黄，用寿喜烧汁调味，牛肉味道浓郁，加生鸡蛋食增滑，口感嫩滑。但和牛横隔膜就无咁嫩，有少少膻味，可能系博多特色。串烧猪肉卷全部是黑豚肉卷，可以拣唔同的内蕊配料，有七款我哋全试，全部廿几三十几蚊一条，一条有两三件，唔贵。最喜欢车厘茄仔作蕊，$25，番茄爆汁酸味配浓郁猪肉，对比强。其次是鲜露笋，$37，够爽脆，淡化了肉啲咸味，木鱼、明太子饭团，$28/份 各一件，烧得唔算好焦，两款咸味的配料伴饭团，饱肚抵食。博多风格，唔系太领会到，下次再试清楚。